Kina detyrohet të mohojë akuzat se është duke marinuar kufomat e njerëzve, konservuar ato dhe shitur në supermarketet afrikane, pasi një shaka në Facebook u përhap si epidemi. Imazhet për shaka dolën që ishin të një reklame të vitit 2012 për “Resident Evil 6”.
Zërat për gjoja tregtinë e trupave njerëzore fillimisht nisën të qarkullonin në rrjetet sociale pas një serie fotografish që shfaqnin trupat e njerëzve të rrjepur nga lëkura në fabrikën e përpunimit të mishit, transmeton Daily Mail.
Mediat në Zambia u akuzuan se i kishin inkurajuar këto thashetheme pas publikimit të fotografive që gjoja ishin marrë në fabrikat kineze. Ambasadori kinez në Zambia i ka mohuar fuqimisht akuzat dhe pas kësaj, agjensia shtetërore e lajmeve të Kinës njoftoi se “qeveria e Zambias shpreh keqardhjen për incidentin në kuadrin e marrëdhënieve të ngrohta që ekzistojnë midis Zambias dhe Kinës. Ne do të sigurohemi që autoritetet zyrtare përkatëse të ndërmarrin hetimin dhe të japin një deklaratë të plotë. ”
Express.
Redaktimi i fundit:
