Kresha
A pretty face can never trick me
Për shkak të numrit të madh të besimtarëve që falen rrugëve të Parisit dhe qyteteve të tjera franceze, qeveria ka vendosur që disa nga kazermat e përdorura nga ushtria në të kaluarën, ti vërë në shërbim të besimtarëve si faltore.
Sipas ministrit të brendshëm Klod Gion, janë marrë të gjithë masat që njëra nga kazermat e ushtrisë të shndërrohet në xhami, në një rajon i cili banohet kryesisht nga myslimanë. Kështu, shpresohet ti jepet zgjidhje shqetësimeve që vijnë nga mbyllja e rrugëve gjatë namazit.
Ai theksoi se e njëjta gjë do të ndodhë edhe me disa kazerma të tjera, derisa myslimanëve tu krijohen kushtet e nevojshme për ndërtimin e xhamive.
Vlen të thuhet se qeveria franceze e cila e ka ndaluar ndërtimin e faltoreve në Francë, bazuar në ligjin e shekullarizmit i cili i dha fund pushtetit të kishës në 1905, ka bërë një përjashtim për komunitetin mysliman duke e lejuar të ndërtojë disa xhami.
Edhe pse nuk ekzistojnë të dhëna zyrtare mbi numrin e myslimanëve në Francë, disa mendojnë se myslimanët janë 6 – 8 milionë nga totali i popullsisë franceze, 63 milion./AO/
