“Kandidati për deputet“

“Kandidati për deputet“ derisa po kthehej në pallatin e tij, nga një fushatë shumë e ngjeshur elektorale, në një natë shumë të ftohtë, jo shumë largë shtëpisë së tij pa një rojetar të vjetër që mërdhihej me rroba të holla në kushte të vështira.
Iu afrua dhe e pyeti mos ndjen të ftohtë?
Roja ju përgjigj: Po, kam shumë të ftohtë, por nuk kam rroba ma të mira, prandaj më duhet të duroj!
Po hyj në shtëpi tha poltikani dhe po u sjell diçka të ngrohtë të kaloni ma lehtë natën.
U gëzua punëtori me premtimin e politikanit, por ky i fundit për fat të keq posa hyri në pallatin e tij të ngrohtë e harroi premtimin.
Në mëngjes rojtari i vjetër kishte vdekur dhe pranë tij ishte shkruar një copë letër me doren e tij të mërdhirë:
“I nderuari politikan, unë disi me vështërësi e duroja të ftohtin çdo natë, por premtimi yt që më bëre mbrëmë për rroba të ngrohta më mori forcën dhe më vrau”.
Të dashur kandidat të të gjitha partive, mos harroni se premtimet tuaja në fushatë elektorale për ju mund të mos jenë asgjë, por për popullin e vuajtur mund të kenë impakt më shumë sesa mund të imagjinoni.
Ju nuk e keni idenë sa shumë shkatërroni me këto premtime të pa përgjegjshme.

Vazhdojne ta bejne, do e bejne gjithmone.
Jane shume te zote ne berjen e premtimeve.
Te vjetrat i harrojne, i hedhin pas kraheve e bejne sikur s'ka ndodhur asgje deri dje, sikur s'kane thene asgje prej gjeje.
Bejne sikur kane ardhur pikerisht diten e premtimit ne jete e deri nje dite me pare sikur nuk ishin fare mbi faqen e dheut.
Kjo me fyen....fyen ate pak inteligjence qe kam une dhe shumica e popullit(pakica jane ata vete qe perderisa vazhdojne te marrin voten tone automatikisht kane "inteligjence superiore" ndaj tones).
Si ne Kosove edhe ne Shqiperi kane filluar premtimet, nga te njejtat figura te konsumuara, te rrjepura ne gjuhe nga premtimet nder vite, nga te njejtet palaço qe me arrogance prej fodulli dhe perçmim per popullin bejne stiva premtimesh, bejne grataçiela me premtime, te njejtat fytyra qesharake dhe cinike njekohesisht.
E nese ndonjerit prej ketyre kandidateve per deputete i tregon historine e mesiperme me paturpesine me te madhe te thone-
E drejte, shume e drejte, kur te jem une ne pushtet nje gje e tille nuk do ndodhe me.(opaaaa , iku edhe premtimi i rradhes)
Hasta la vista deri ne premtimet e ardhshme!