![31210.jpg](/proxy.php?image=http%3A%2F%2Fwww.supersport.al%2Ffoto%2F31210.jpg&hash=10f7cb07f9a9bc17dd7242bb8012e57f)
Tirana triumfon në “Qemal Stafa” përballë Vllaznisë. Ekipit kryeqytetas i ka mjaftuar goli i Likës në minutën e 48 i shënuar nga pika e bardhë e 11 metërshit për të marrë 3 pikëshin ndaj shkodranëve që nuk u shfaqën të rrezikshëm në portën e kundërshtarit. Me këtë fitore skuadra e Nevil Dedes, ngjitet në vendin e pestë me 38 pikë, ndërsa Vllaznia ndodhet një vend më poshtë me 35 pikë.
Bylis dhe Laçi nuk arrijnë të përsërisin suksesin në Kupën e Shqipërisë dhe në kampionat. Në javën e 23-të të Kategorisë superiore të dyja skuadrat pësuan humbje.
Shkumbini mposhti në shtëpi me rezultatin 2-1 Bylis. Edhe pse ishin miqtë ata që shënuan të parët në minutën e 25’ me anë të Bakiut, vendasit barazuan me Dervishin, ndërsa pak minuta para përfundimit të takimit Lluca realizon dhe golin e fitores. Një triumf i rëndësishëm ky për skuadrën e Miles, duke qënë se ekipi lufton për mbijetesë.
Një fitore jo me shumë vlera ajo e Tomorrit ndaj Laçit, ku beratasit iu imponuan 2-0 laçianëve që gjithsesi sezonin e ardhshëm do të luajnë në Kategorinë e Parë. Golat u shënuan nga Arbri 25′ e Sulejmani 45′.
/S.Sport