Arfenilla
Themelues i Forumit
Kryesia e Sindikatës së pavarur të Judikaturës ka marrë vendim për hyrje në grevë. I tërë stafi administrativ i Gjykatave dhe Prokurorive të Republikës së Kosovës hyn në grevë më 24 shkurt.
Kërkesat e tyre janë rritje e pagave prej 50%, heqja (ndryshimi) i stafit nga statusi i shërbyesit civil, pagesa e kohës së kaluar në punë (përvoja e punës), pagesa e orëve jashtë orarit të punës, puna e natës dhe festave, pagesa sipas pozitave të avancuara .
Sipas kumtesës greva mbahet deri në përmbushjen e kërkesave, ndërsa për ndërprerje vendos Këshilli Qendror grevist kur vlerëson se janë përmbushur kushtet për ndërprerje.
Sindikata është e vendosur në kërkesat e parashtruara dhe thuhet se kërkesat janë shumë reale dhe të realizueshme nëse vetëm pak ka vullnet nga Institucionet Qeveritare të Republikës së Kosovës. B.Sot