Arfenilla
Themelues i Forumit
Jemi pak shimpanze dhe pak derra! Kështu pretendon Eugene McCarthy, njëri prej shkencëtarëve më në zë në botë në fushën e kryqëzimit të kafshëve.
Sipas tij, njeriu është produkt i kryqëzimit të një derri mashkull me një shimpanze femër, i ndodhur miliona vite më parë, në një periudhë të caktuar të evolucionit.
McCarthy thotë se përgjigjja nuk mund të jepet me siguri, por argumentat janë bindëse. Ngjashmëria më e madhe e njeriut në tokë është pikërisht me shimpanzenë, por ka edhe tipare dalluese që na largojnë me to.
Këto tipare, sipas shkencëtarit amerikan të Universitetit të Xhorxhias gjenden vetëm tek një kafshë: derri. Në studimin e tij të publikuar në faqen e internetit “Macroevolution”, McCarthy thotë se përvec qimeve dhe dhjamit, lëkura e njeriut ka ngjashmëri të madhe me atë të derrit, sidomos në strukturë. Por jo vetëm lëkura. Ai thotë se ngjashmëri mes njeriut dhe derrit gjenden edhe tek organet jetësore dhe mënyra e funksionimit të tyre.
Hipoteza e tij menjëherë është kritikuar. Argumenti më i fortë i përdorur për ta rrëzuar atë është ai se pasardhësit e një kryqëzimi janë të paaftë të riprodhohen. Këtij argumentimi McCarthy i është përgjigjur duke thënë se jo gjithmonë hibridët nuk mund të riprodhohen. Sipas tij ka raste kur hibridët riprodhohen me kategoritë e prindërve të tyre dhe me kalimin e viteve evoluojnë dhe mund të riprodhohen edhe me njëri-tjetrin..Tribuna.
