Arfenilla
Themelues i Forumit
Aktori i mirënjohur kinez, Jackie Chan, ka deklaruar një ditë më parë se e mbështet dënimin me vdekje për trafikantët e drogës.
Dënimi me vdekje për trafikantët e drogës është nisma më e re ligjore e shtetit kinez e për këtë ka pasur shumë zëra kritik, por edhe pro.
Chan, djali i të cilit është burgosur pikërisht për krime droge, tha se drogërat po lëndojnë mijëra fëmijë dhe kjo masë ekstreme do të parandalonte ose të paktën do të pakësonte një ndër të këqijat e Kinës së sotme.
Djali 32- vjeçar i Chan, Jaycee, është dënuar me gjashtë muaj burg pasi iu gjet marijuanë në shtëpi.
Jackie Chan është ambasador kundër drogës në Kinë dhe Singapor. Sipas BBC, të dy vendet e kanë vendosur dënimin kapital për trafikun e drogës.
I pyetur për djalin e tij, Chan tha se i vjen turp dhe është i shokuar. Ai shtoi se tani është më i përqendruar tek i biri. “Mendoja se ishte i rritur, por tani e di që është akoma djalosh”, tha ai.b lajmi
