-
- Anëtarësuar më
- Apr 1, 2011
-
- Mesazhe
- 115,970
-
- Reagimet e mara
- 85,003
7 mijë vjet më parë, europianët kishin lëkurë të errët, flokë të zinj dhe sytë blu të fortë. Shkencëtarët dhe biologët rindërtuan për herë të parë pamjen e njeriut që ka jetuar 5 mijë vjet para Erës Sonë.
Studimi mbërriti në këtë përfundim falë analizave të ADN-së të një skeleti njerëzor, që mendohet se ka jetuar në epokën e Mesolitit, nga 10 mijë deri në 5 mijë vite më parë. Skeleti është gjetur në vitin 2006 se bashku me një tjetër skelet mashkulli në zonën arkeologjike La Brana-Arintero në veri të Spanjës.
Puna e grupit të shkencëtarëve të udhëhequr nga biologu Carles Lalueza-Fox i Institutit të Biologjisë Evolutive në Barcelonë, u përqendrua në analizimin e ADN-së së shkëputur nga dhëmbi i njërit prej skeletëve.
“Surpriza më e madhe ishte zbulimi i geneve afrikane tek ky skelet, gene që janë përcaktues për pigmentin ngjyrosës të lëkurës. Pra europianët e epokës mesolitike kishin lëkurë të errët, se në ç’shkallë, këtë s’mund ta vërtetojmë”, thotë Lalueza-Fox.
Ai shton se përvec kësaj është gjetur gjurmë e geneve që përcaktojnë ngjyrën e syve. Këto gene janë të njëjta me ato të zbuluara tek analizat e skeleteve njerëzore të gjetura në zonën paleolitike të Ma’ltas, në afërsi të liqenit Bajkal në Siberi.
‘Pasardhësit’ e kësaj popullsie që ka jetuar mijëra vite më parë në Siberi mendohet gjërësisht se janë popujt nordikë si suedezët dhe finlandezët, që kanë të njëjtin gen që u përcakton ngjyrën e syve.
Në përfundim, grupi i shkencëtarëve ka rindërtuar me ndihmën e teknologjisë imazhin e njeriut të para 7 mijë viteve.
Studimi është publikuar në revistën shkencore “Nature”.
/ Top Channel