LeVoyageur
RDM 33 NSOE
Hije skandali mbi Bill Clinton. Sipas zërave që po bëhen gjithnjë e më të fortë edhe ai ka pasur dhjetëra udhëtime, me atë që tashmë ka marrë emrin “Lolita Express”, avionin privat të financierit amerikan Jeffrey Epstein që ka futur në bela shumë persona VIP.
Mes tyre edhe princi britanik Andrew, avokati Alan Dershowitz që janë bërë pjesë e këtij skandali për minorene. Emri i ish-presidentit del nga ditaret e mbajtura në bordin e avionit dhe që janë publikuar nga portali amerikan “Gawker”.
Clinton ka qenë në bordin e avionit me Chauntae Davies, një aktore e filmave soft, emri i të cilës del shpesh si shoqëruese e udhëtimeve të Epstein. Ditaret e avionit tregojnë se Clinton ka udhëtuar me “Lolita Express” dhjetra herë me Ghislaine Maxwell, vajza e bosit të medias Robert Maxwell, që gjykata federale e ka si të dyshuar se i ka siguruar vajza minorene, miliarderit Epstein për festat e tij me miq të rëndësishëm.
Në 2008-ën financieri u deklarua fajtor për pedofili në Florida, por kaloi vetëm një vit pas hekurave. Sipas portalit “Gawker”, që atëherë Epstein “i kishte mbyllur” atij çështje gjyqësore me të paktën 30 vajza minorene, mes të cilave më e reja ishte vetëm 12 vjeçe.
dita
... nuk e besoj qe eshte ngaterruar ndonjehere me minorene.
