Lou Lou
Witch
Me një vit burg dhe 90 goditje kamxhiku u dënua aktorja iraniane Marzieh Vafamehr , për rolin e saj protagonist në filmin që pasqyron vështirësitë me të cilat përballen artisët në Demokracinë Islamike.
Vafamehr ishte arrestuar në muajin korrik, për pjesëmarrjen e saj në filmin “My Tehran for Sale 2009), i cili u vu në qendër të vëmendjes së censurës.
Subjekti i filmit flet për një aktore të re nga Teherani, të cilën e ndalon policia të luajë shfaqjen e saj dhe ajo detyrohet ilegalisht të shprehë botën e saj artistike. Ky film ishte një bashkëpunim me kinematografinë australiane.
Sipas agjencisë së lajmeve Fars, edhe pse nuk është ndezur drita e gjelbër që filmi të shfaqet në sallat e kinemave në Iran, ai qarkullon ilegalisht nga një shtëpi në tjetrën.
Gjithsesi, aktorja ishte lënë e lirë në fund të korrikut, pas pagimit të garancisë, shuma e të cilës nuk është bërë e ditur, në pritje të vendimit që doli pak ditë më parë.