Xhakarta - Rreth 2 500 zhytës, të pajisur me tuba, vendosën sot rekordin e zhytjes më të madhe kolektive në Manado, në afërsi të ishullit indonezian Celebes, bëri të ditur libri i rekordeve Guiness.
Gjithsej 2 486 zhytës u hodhën në ujë së bashku, në afërsi të Manados. Ata shpalosën nën ujë një flamur të Indonezisë, me rastin e 64-vjetorit të pavarësisë.
Rekordi i mëparshëm, me 958 zhytës, është vendosur në vitin 2006 në Maldive, shtoi një zëdhënëse e librit të rekordeve Guiness.
*Start*