Violetta
>> KS- AL. etnike <<
Filloje ditën në paqe!
Filloje ditën me mendim të mirë e të pastër ndaj vetes dhe të tjerëve. Filloje në paqe e me dashuri ndaj së mirës e ndaj së vërtetës.
Mos e fillo ditën i shqetësuar; mos e fillo i zemëruar; mos e fillo i pikëlluar; mos e fillo i dëshpëruar; mos e fillo i rënduar! Mos e fillo me urrejtje, zili e inatosje; as me kokëfortësi e kryelartësi!
Filloje i lirë e i çliruar; i lehtë e i lehtësuar!
Filloje me mendim të mirë e të pastër ndaj vetes dhe të tjerëve. Filloje në paqe e me dashuri ndaj së mirës e ndaj së vërtetës.
Filloje duke besuar se jeta jote ka një qëllim, dhe ai qëllim është i lartë; duke njohur thelbin e jetës, të ekzistencës, të ngjitesh lart e të ndjesh gjerësinë e hapësirës dhe lirinë e lëvizjes!
Shkëputu me mendjen dhe zemrën tënde, pastaj të notosh lart e larg, shkëputesh dhe i le poshtë gjërat e ulëta e të padobishme!
Dije se, Zoti yt të do dhe të mëshiron, mbështetu në Të dhe kërkoje ndihmën e Tij me devotshmërinë e zemrës; Ai ka fuqi mbi çdo gjë!
Autor: Avni Tafili