“Vrasja e një të moshuari brenda në xhami në Lushnjë, disa muaj më parë, thekson prirjen në rritje të forcimit të motiveve fetare ndaj krimeve, një veprim që shkon kundër besimit të Islamit të moderuar”, thanë ekspertët.
I dyshuari, që u kap nga policia, tha se i moshuari falej sipas traditës shqiptare myslimane, jo sipas traditës afgane të lutjeve, sipas autoriteteve.
"Ky krim duhet çuar në drejtësi. Të gjithë besimtarët në xhaminë tonë morën kërcënime të ngjashme,”- ka thënë Tomor Boriçi, myftiu i rajonit të Lushnjës, ku u krye vrasja.
Agron Hoxha, drejtor i marrëdhënieve publike në Komunitetin Mysliman të Shqipërisë u përpoq të distancojë fenë nga krimi. "Nuk ishte një vrasje që ndodhi për arsye fetare. Policia bëri një deklaratë që thoshte se i dyshuari kishte të tjera probleme,- ka thënë ai për “SET Times”.
Aqif Maçi, një banor i Tiranës, i tha “SETimes” se, vrasja është kundër mësimeve të Islamit. "Të marrësh një jetë njeriu veçanërisht në xhami, është diçka që nuk ka lidhje me Islamin. Myslimanët kanë jetuar me shekuj me të gjitha fetë e tjera dhe kjo nuk do duhet gjithashtu të aplikohet brenda myslimanëve."
Elton Hatibi, një ish-mësues historie që ka një gradë master në kulturë dhe fe, tha se, “ligjet islamike nuk lejojnë ndëshkimin apo ekzekutimin për shkak të lirisë së shprehjes. Ai tha se në historinë e Islamit nuk ka ekzistuar qenie që ka privilegjin e një interpretimi skrupuloz.”
Hatibi nënvizoi se në botën islamike, është vetëm midis shitëve në të cilën interpretimi i një Ajatollahu është i detyrueshëm. Shqipëria nuk i takon kësaj dege. "Nuk ka interpretim të fiksuar midis myslimanëve suni," tha ai.
Myslimanët në Shqipëri pasojnë dy rryma të besimit. Pas rënies së komunizmit, mësimet islamike arabike e turke fituan terren në vend.
Myslimanët shqiptarë debatuan se cilën traditë fetare të ndjekin: traditën turke të zbatuar në Shqipëri që nga kohët otomane, apo traditën fetare arabe që u soll në vend në vitet 1990.
"Asnjë nga ne myslimanët nuk del të thotë ne i takojmë kësaj prirjeje apo këtij grupi, por ata që thonë kështu janë të njëjtët që shkruajnë e flasin si papagajtë, ose fshehtazi kundër Islamit dhe myslimanëve në Shqipëri, ose publikisht duke dashur të dobësojnë besimin islamik," i tha “SETimes”, Arben Halluni, teolog dhe ndihmës i imamit Muhamet Sytari, një myfti i Shkodrës.
/Shekulli