E kaluara e hidhur çon ne semundje

Të kujtosh të kaluarën me pendesë dhe trishtim jo vetëm që ju pengon të shijoni të tashmen, por nuk është mirë edhe për shëndetin.

Një studim i kryer nga shkencëtarët spanjollë tregon se njerëzit që e shikojnë me këqardhje të kaluarën e tyre janë të prirur të kenë një cilësi jete më të ulët se të tjerët. Gjithashtu sipas studimit të Universitetit të Granadës këta persona janë më të ndjeshëm ndaj dhimbjes fizike.

Kërkimi del në përfundim se njerëzit më të lumtur dhe më të shëndetshëm janë ata që jetojnë të tashmen, që mësojnë nga gabimet e të kaluarës dhe planifikojnë të ardhmen.

50 meshkuj dhe femra u pyetën mbi të kaluarën e tyre dhe shëndetin fizik e mendor aktual. Gjithashtu u pyetën nëse do të ndryshonin diçka nga e kaluara apo nëse ishin penduar për veprime të mëparshme.

Analizat e përgjigjeve treguan se ata që nuk shkëputeshin dot nga e kaluara e hidhur kishin një shëndet më të keq se ata që “nuk e kthenin kokën prapa”.
B:yllipres

Titulli: E kaluara e hidhur çon në sëmundje

'' Kërkimi del në përfundim se njerëzit më të lumtur dhe më të shëndetshëm janë ata që jetojnë të tashmen, që mësojnë nga gabimet e të kaluarës dhe planifikojnë të ardhmen.''


Shume e drejte, por dhe kjo s'eshte e lehte per tu praktikuar.
E kaluara duam s'duam te vjen ne ''mendje'' dhe sa ndikohemi ne nga kjo ,varet nga vet personat (ndjeshmeria e tyre)
Por perveç kesaj mendoj se koha eshte çelsi i te gjithave ,duke e len gradualisht ne harrese aq sa nuk perben me problem.

''Analizat e përgjigjeve treguan se ata që nuk shkëputeshin dot nga e kaluara e hidhur kishin një shëndet më të keq se ata që “nuk e kthenin kokën prapa”

Kjo ndodh tek personat depresive, te ndikuar aq shume nga e kaluara e tyre e afert apo e larget saqe nuk mund te shkeputen totalisht,kujtojne nga e kaluara gjithe pjeset e ''erreta'' te saj ,ne menyre te pakuptuar e çojne veten ne stres .
Por koha sheron gjithçka !