sweetzzinna
Dum spiro, spero くる
Dhermiu shtrihet ne fund te nje plazhi me teper se pese kilometra te gjate, plazh i cili perfundon me nje koder, mbi te cilen ngrihet manastiri i Shen Theodhorit.
Emri: Origjina e emrit Himare, (apo Chimara), krahines ku ben pjese Dhermiu, eshte shpjeguar nga greqishtja ne dy variante – Humnera apo edhe Kimere. Edhe emri Dhermi zakonisht eshte shpjeguar nga termi perkates grek “drimadhes” apo dushk, shpjegim i cili bazohet edhe mbi vegjetacionin natyral te zones. Nje shpjegim, po nga greqishtja eshte nga termi “dhromo” apo rruge, sic duket per vendosjen e fshatit buze rruges.
Historia: Himara, ku perfshihet edhe Dhermiu, ka qene banuar nga fisi epirot i Kaoneve. Themelimi i fshatit humbet ne lashtesi. Dihet se Filipi i Maqedonise sulmoi Himaren ne 214 p.e.s. dhe ne 167 ajo qe baze detare e Romakeve.
Normani Robert Guiskardi dhe biri i tij Boemund kerkuan ta nenshtronin si pasoje e pozites zoteruese mbi Kanalin e Otrantos. Gjon Kastrioti, i biri i Skenderbeut, trashegoi Himaren, ku edhe zbarkoi me 1481 per te filluar nje rezistence kunder turqve, pas vdekjes se te atit. Pas vdekjes se Skenderbeut, si edhe me vone nje pjese e Himarioteve u shperngulen per ne Italine e Jugut, ku formuan fshatra. Himara nuk u pushtua dot plotesisht pas vdekjes se Skenderbeut dhe eshte se bashku me Mirditen, nder dy krahinat qe kishin nje status autonom. Sipas ketij statusi, nenshkruar ne 1492 me Sulltan Bajazitin II. Himara dhe shtate fshatrat e tij, duhej ti paguante Portes se Larte shumen e 16,000 frangave ne vit Sistemi i qeverisjes qe bazuar ne autoritetet lokale dhe sistemin e dhimogerondeve (δημογεροντίας ). Sulejmani i Trete (Kanuniu apo i Madherishmi) qe arriti deri ne portat e Vjenes, tentoi te shtronte Himaren por pa sukses. Madje pati edhe tentative per vrasje te vete sulltanit (episodi me Damiani i cili arriti deri ne cadren e tij). Himariotet (term qe perfshinte rreth 50 fshatra ) u perfshine ne shume kryengritje si ato te viteve 1481,1488, 1494-1509, 1537, 1571,1595, 1690, 1713. Ali Pashai qe i vetmi sundimtar Turk (apo shqiptar) i cili arriti (1797) te nenshtronte Himaren dhe fshatrat e saj. Thuhet se qe pikerisht ai qe urdheroi djegjen e pyllit me dushk siper fshatit te Dhermiut. Sipas historise se Shqiperise, Suliotet, qe dhane nje kontribut aq te madh per pavaresine e Greqise, vinin nga shperngulja Himarioteve (edhe ata me 7 fshatra). Ne ate kohe Bajroni i pershkruante keshtu Himariotet tek Cajld Haroldi:
“Te bijte e Himares qe s’falin as mikun
Si mund te lene te gjalle armikun
Si s’marrkan dot gjak me pushket besnike
Ka shenje me te bukur se zemra armike?
Si mund te lene te gjalle armikun
Si s’marrkan dot gjak me pushket besnike
Ka shenje me te bukur se zemra armike?
Zhvillimi ekonomik-social: Eduard Liri qe vizitoi Dhermiun me 1848, ne librin e tij te udhetimeve thote se “qyteterimi i kesaj pjese te Shqiperise eshte teper lart pjeseve te tjerave te Shqiperise“. Dhermiu ka patur qe ne fillim te shekullit, dy doktore te arsimuar ne Viene dhe Athine. Shkolla e pare eshte hapur ne Dhermi rreth viti 1629, per te pasur nje shkolle thuajse te perhershme ne gjuhen greke ne vitin 1870 dhe ka sherbyer si qender arsimimi per tere zonen perreth. Para Luftes se dyte Boterore, emigracioni dhe bujqesia, dhe e lidhur me te edhe tregetia, kane qene burimet themelore te mireqenjes se Dhermiut. Qitrot, sidomos per shkak te perdorimit te tyre nga cifutet, qene objekti kryesor i tregetise, (thuhet se kane arritur deri ne Poloni) se bashku me vajin e ullirit dhe agrumet. Para clirimit, Dhermiu ka patur rreth 64 makina-deshmi e zhvillimit te mire ekonomik te tij. Emigracioni, sidomos ne Greqi, Shtetet e Bashkuara te Amerikes, France, Australi etj ka qene burim tjeter te ardhurash dhe natyrisht edhe zgjenjimesh dhe tragjedish Petro Marko shkruan per kete plage mjaft bukur:
“Thone se guret e medhenj atje poshte jane burrat qe jane kthyer dhe kane vdekur ne vend.... Kurse ata burra qe kane ikur dhe kane vdekur ne kurbet jane bere re.. Vijne, qajne dhe ikin. Dhe mbi spitharet me poshte, afer bregut, mblidhen lotet e tyre sic mblidhet uji i shiut”
Bujqesia: Nje pasuri e cmuar jane ullinjte, kultura dominante-vleresohet se fshati ka rreth 47,000 rrenje ne prodhim. Nga ullinjte dominon (92%) kultivari Kalinjot, i cili vlen me teper per ekstraktim vaji. Maksimumi i prodhimit eshte 15,000 kv ullinj dhe rreth 300 MT vaj ulliri. Portokallet e limonat, fiqte, hardhite e nespollat - jane druret e tjere me te rendesishem. E per te mos harruar nga vegjetacioni natyral, jane fiqte e detit apo Frenko-Fiqte (lat. Opuntia).
Njerezit e shquar: Kapidan Kumiu eshte nje nga dhermiotet qe beri emer pas vdekjes se Skenderbeut ne Mbreterine e Napolit. Po ashtu edhe Dhimiter Leka ka qene nje nga gjeneralet me te suksesshem ne oborrin e mbretit te Napolit, rreth viteve 1820 (de Rada ja ka kushtuar Milosaon pikerisht atij). Pano Bixhili ka qene nje nga njerezit e shquar te lindur ne Dhermi. Ai ka qene per vite rresht perfaqesuesi i Himarioteve prane carit te Rusise. Petro Marko meriton te permendet si nje nga shkrimtaret me te sukseshem dhe me prodhimtare te periudhes se pas luftes, i permendur edhe ne botimet e “Larousse”-it. Dhermiu ka nxjere edhe shume sportiste te shquar. Portieri aktual i sukseshem i kombetares se Shqiperise, Strakosha dhe Andrea Marko, lojtari i suksesshem i “Dinamos” se viteve ‘80, jane nga Dhermiu. Po keshtu edhe futbolliste te tjere te shquar te klubeve si Vasil dhe Petro Ruci te Flamurtarit., Bifsha, Iliadhi, Vasil Ziu jane nga Dhermiu.
Fshati vete me arkitekturen karakteristike te fshatrave te jugut, me pasurite e bollshme ujore, me gjelberimin tradicional mesdhetar eshte nje bukuri e vecante. Banoret e arsimuar, poliglote dhe bujare ja shtojne vlerat fshatit te tyre. Kishat e medha si Manastiri i Shen Marise, i vendosur ne maje te kodres zoteruese te Dhermiut, ai i Shen Theodhorit qe zoteron kodren mbi det ne fund te plazhit si dhe kishat e Shen Harallambitdhe jane objekte kulti interesante. Meshat zakonisht mbahen diten e Djele, dhe vendi mbajtjes se meshes ndryshon.
Shpella e Pirateve eshte nje shpelle e bere e famshme nga libri i Petro Markos dhe me pas nga filmi i Kinostudios ‘Shqiperia Sot” me te njejtin titull. Mund te arrihet nga deti dhe toka. Vendosur ne shkembej thike, ne nje det shume te thelle qe merr “ngjyren e veres“ (Homer), Shpella e Pirateve, ruan vlera te rendesishme turistike, qe te sjellin ne kohrat e Mesjetes Shqiptare.
Gramata ne Veri te Dhermiut, ne kepin me te njejtin emer dhe ne gjirin e vogel, ne shkembejt e bregut, gjenden disa epigrame, te gjitha ne gjuhen Greke. Keto jane shkronja dhe simbole. Mund te shkohet ne Gramata vetem nga ana e detit.
Po ashtu ofrohen edhe hedhje me parapende dhe lojra ujore./Himara