![MAn-udt-1024x576.jpg MAn-udt-1024x576.jpg](https://fv.al/data/attachments/112/112084-0fec2ce04a830c5b69f51accdf2426a4.jpg)
Manchester United mund me rezultatin 0-2 bashkëqytetarët e City, që deri në këtë moment po dominonin Premier League, duke rihapur disi shpresat për kampionat, pasi tashmë ndodhen 9 pikë pas.
Ndeshja fillon në mënyrë të shkëlqyer për United, që gjen avantazhin me Bruno Fernandes në minutën e dytë, ndërkohë që e gjithë pjesa e parë do të jetë një dominim i rivalëve, që nuk gjejnë dot rrjetën.
Në fillim të pjesës së dytë, “Citizen” godasin edhe një traversë, dhe pikërisht në momentin e tyre më të mirë ndëshkohen sërish nga United, që shënon me Shaw në minutën 50.
Humbja i shkakton djemve të Guardiolës përfundimin e rekordit prej 21 ndeshjesh të fituara radhazi, ndërkohë që për United derbi i fituar është triumfi i 22-të radhazi jashtë shtëpisë.
A2news.com