Duke u mbështetur në politikat e Qeverisë për gjithpërfshirje në arsim, si dhe për shkak të kërkesave të shtuara për regjistrim në shkollat e mesme të Kosovës, ministri i Arsimit Enver Hoxhaj në konsultime zyrtarë e lartë të MASHT, ka kërkuar nga të gjitha komunat e Kosovës -DKA -të mobilizohen për përfshirjen e të gjithë nxënësve në klasën e 10–të.
Ky vit shkollor 2009/10 në klasën e 10 të do të ketë më shumë nxënës për shkak se përfshin nxënës të dy gjeneratave (6 dhe 7 vjeç) që kanë filluar shkollimin në klasën e parë njëkohësisht para 9 vitesh.
“MASHT-i kërkon nga udhëheqësit komunal, drejtoritë komunale të arsimit që të bëjnë të gjitha përgatitjet për regjistrimin e nxënësve, të shfrytëzohen të gjitha kapacitetet e mundshme, të sigurohet buxheti i mjaftueshëm për rritjen e numrit të nxënësve, të sigurohet kuadri i nevojshëm për mbarëvajtjen e këtij procesi dhe për vit të suksesshëm shkollor”, thuhet në një komunikatë të kësaj ministrie.
Drejtorët komunalë të arsimit (DKA) dhe drejtorët e shkollave, sipas kërkesave duhet të shtojnë numrin e nxënësve në paralele. “Kjo duhet të bëhet edhe nëse është e nevojshme të rritet numri i e paraleleve për klasat e 10 ashtu që asnjë nxënës të mos mbetet jashtë bankave shkollore”, thuhet në komunikatë.
KY vendim, i bazuar në dispozitat ligjore në fuqi, është nënshkruar nga ministri i Arsmit Enver Hoxhaj dhe hyn në fuqi menjëherë.
*Telegrafi*