A njihni njerëz autentikë? Jeni një prej tyre? A e dini se si janë ata? Ndoshta keni pranë jush njerëz të tillë ose i keni njohur në të kaluarën dhe as nuk i keni vënë re. Këta njerëz janë një frymë të pastër, të aftë për të mbushur me jetë çdo vend ku gjenden.
Ata janë të lehtë për t’u identifikuar, sepse kur vijnë në jetën tuaj, e mbushin atë me energji, gëzim dhe frymëzim. Ata kanë një qëndrim të këndshëm dhe kushdo ndihet mirë dhe i sigurt pranë tyre.
Njerëzit origjinalë na bëjnë të ndihemi aq mirë sa na lejojnë të jemi vërtet vetvetja. Kur jeni me ta, mund të lini mënjanë gënjeshtrat ose paragjykimet. Ata e dinë që çdo person është i veçantë dhe do t’ju bëjnë të ndiheni unikë dhe të pazëvendësueshëm. Ja cilat janë karakteristikat kryesore të njerëzve origjinalë!
1-Nuk kanë frikë të shprehin mendimin e tyre
Njerëzit origjinalë e dinë se rrallë është mirë që një opinion të mbetet i pashprehur. Nëse kanë diçka për të thënë, e thonë dhe pikë. Por kini kujdes: ata gjithmonë kujdesen që të mos shkaktojnë dëm ose lëndojnë të tjerët. Ata përpiqen të dëgjohen dhe t’i bëjnë idetë e tyre të vlefshme, por nuk duan të lëndojnë askënd.
Shumë shpesh ne preferojmë të fshehim mendimin tonë sepse kemi frikë nga kritikat. Njerëzit autentikë e dinë se është e lehtë të gjykohesh, por që kritikat nuk pasqyrojnë gjithmonë personin që jemi. Ata e kuptojnë se mendimet e njerëzve të tjerë për ta janë vetëm sipërfaqësore. Një nga virtytet e tyre më të mira është se ata e dinë se mendimet nuk duhet të merren personalisht.
“Ne nuk duhet të kemi frikë nga ata që kanë një mendim ndryshe nga i yni, por nga ata që kanë një mendim të ndryshëm dhe janë shumë frikacakë për ta shprehur atë.”
– Napoleoni I –
2-Ata veprojnë sipas arsyeve të brendshme dhe jo të jashtme
Kur ka qenë hera e fundit që keni bërë diçka thjesht sepse ju pëlqente? Njerëzit origjinalë e bazojnë jetën e tyre sipas shkallën së tyre personale të vlerave dhe bëjnë vetëm atë që duan. Ata e dinë se nuk mund të varen nga të tjerët për të qenë të lumtur dhe për të arritur qëllimet e tyre. Ata janë të pavarur dhe të gatshëm të ndërmarrin rreziqe për të arritur atje ku duan.
3-Miku i tyre më i mirë është “vetja e tyre e brendshme”
Njerëzit autentikë janë shumë të ndryshëm nga njëri-tjetri. Disa kanë shumë miq, sepse janë të mirë në marrëdhëniet me të tjerët. Të tjerët janë më introvertë dhe preferojnë të kenë miq të paktë, por shumë të ngushtë.
Ata nuk bëjnë kurrë, asgjë që bie ndesh me sistemin e tyre të vlerave dhe të folurit e tyre me veten është pozitiv. Ata nuk e lejojnë veten të sabotohen nga dialogu i brendshëm disfatist.
4-Ata i shmangen gjykimit
Njerëzit origjinalë e dinë se nuk është e lehtë të ndjekësh rrugën e tyre dhe për këtë arsye ata nuk humbin kohë duke gjykuar. Me shumë mundësi, nëse duhet t’ju thonë diçka ose t’ju japin mendimin e tyre të sinqertë, do t’jua japin atë. Por më pas do ta harrojnë dhe do t’ju lejojnë të merrni vendimet tuaja. Ju mund të keni mbështetjen e tyre më të sinqertë dhe mund të prisni një mendim të sinqertë prej tyre.
5-Ata i njohin dhe vlerësojnë cilësitë e tyre
Edhe pse reklamat përpiqen të na bindin se disa standarde të bukurisë janë më të përshtatshmet, njerëzit origjinalë e dinë se secili prej nesh është i veçantë. Ata nuk shqetësohen për përmbushjen e standardeve të paracaktuara. Ata fokusohen në njohjen e vetvetes dhe vlerësimin për atë që janë.
Ata gjithashtu i dinë të metat dhe dobësitë e tyre dhe kanë mësuar të përfitojnë prej tyre ose të minimizojnë efektet negative.
6-Ata nuk japin këshilla që nuk do t’i ndiqnin
Njerëzit origjinalë e dinë se të kritikosh, të gjykosh ose të flasësh shumë është e keqe. Ata gjithashtu e dinë se dhënia e një mendimi ose këshille është më e lehtë sesa ta zbatojnë atë në praktikë. Për këtë arsye, kur u kërkon këshilla, ata mendojnë mirë para se të flasin.
Do t’i njihni sepse janë njerëzit që ju japin këshillat më realiste. Ata kanë sukses sepse flasin nga përvoja e tyre dhe kurrë nuk ju sugjerojnë të bëni diçka që nuk do ta bënin vetë.
7-Ata kujdesen për veten fizikisht dhe emocionalisht
Njerëzit origjinalë e vlerësojnë veten për atë që janë dhe bëjnë gjithçka që munden për të mbajtur trupin dhe mendjen në formë. Ata i kushtojnë kohë kujdesit për bukurinë e tyre, bëjnë aktivitet fizik, kujdesen për dietën dhe marrëdhëniet e tyre ndërpersonale. Ata e dinë se jeta është çështje prioritetesh dhe se ne duhet t’i japim gjithçkaje peshën e duhur. / bota.al
