Manchester City mposhti me rezultatin 4-1 Wolverhampton, duke arritur fitoren e 21-të radhazi në ndeshje zyrtare dhe duke u shkëputur plot 15 pikë nga vendi i dytë në Premier League, që mbahet nga Manchester United.
Fitorja për ekipin e Guardiolës erdhi vetëm në 10 minutat e fundit, kur Gabriel Jesus (dy gola) dhe Mahrez, i dhanë 3 pikët e radhës kryesuesve të kampionatit anglez.
Më parë, autogoli i Dendoncker (15’) kishte kaluar në avantazh Cityn, por në minutën e 61, Coady barazoi shifrat 1-1.
A2news.com
