Jetë & Stil – Lëvizja me biçikletë i bën mirë shëndetit, portofolit dhe mjedisit, por jo vetëm kaq! Ja se çfarë thotë një raportim i fundit i Organizatës Botërore të Shëndetësisë
Lëvizja me biçikletë bën mirë dhe kjo dihet prej kohësh, por ndoshta jo të gjithë e dinë se pedalimi mund t’ju bëjë të fitoni miliona euro dhe se kjo gjë mund të ofrojë vende të reja pune. Të dhënat e fundit të publikuara nga OBSH, Organizata Botërore e Shëndetësisë, janë interesante: duke kursyer në kostot e transportit, në karburant dhe duke investuar më shumë për pedalet, kërkimi i bërë nga Politeknikumi i Milanos, demonstron se, në përgjithësi, në çdo vend mund të kursehen 20 milionë euro në vit, nëse biçikleta do të bëhej mjeti kryesor në transportin publik.
Përdorimi më shumë i biçikletës do të reduktonte kostot e shëndetësisë: në fakt, pedalimi nuk ka efekte anësore, por vetëm pozitive. Përveçse mund të kursesh, ashtu siç mund të imagjinohet më së miri, përdorimi më i shpeshtë i biçikletës do të reduktonte përdorimin e mjeteve të tjera të transportit publik (makinave, taksive, autobusëve), duke ulur në këtë mënyrë konsumin e karburanteve dhe prodhimin e dioksidit të karbonit. Studimi i OBSH-së vlerëson se 56 qytetet europiane dhe amerikane, më të mëdhatë, nëse do të mund të kishin më shumë korsi biçikletash si Kopenhaga, do të krijonin rreth 76 mijë vende pune çdo vit.
Ndërsa nga pikëpamja e shëndetit, faktorët të cilët sjellin përfitime janë lehtësisht të llogaritshëm: falë prodhimit më të madh të endorfinës, venat zgjerohen dhe zemra rrit dimensionet e saj duke përmirësuar funksionin; pedalimi është një mënyrë e mirë për të larguar stresin. Duke pedaluar më shumë, ju do të mund të keni një mendje më aktive dhe të jeni më të shëndetshëm. Ndër të tjera, ju do të mund të përfitoni tre të mira jo materiale të pakrahasueshme:
Pedalimi përmirëson zhdërvjelltësinë në punët e shtëpisë
Edhe biçikleta ka nevojë për mirëmbajtje, si për shembull për t’i rregulluar një gomë, përveçse për t’i vaisur zinxhirin. Pra, veprime të cilat mund të mësohen në shtëpi, vetëm, ndërkohë që bëhet fjalë edhe për punë, të cilat nxjerrin në pah aftësinë e të kuptuarit dhe zhdërvjelltësinë. Duke u detyruar të gjejë e shpikë zgjidhje, truri do të detyrohet të ngacmojë “gjeniun e vetes” dhe të krijojë lidhje nervore, që nëse nuk nxiten, nuk funksionojnë.
Pedalimi përmirëson mënyrën se si të përballoni problemet
Shpeshherë rutina dhe problemet e gjithë ditës, mbase ju trullosin dhe ju bëjnë të humbisni kontrollin e situatës. Pedalimi ju ndihmon të ruani ekuilibrin tuaj mendor dhe fizik: dhënia e biçikletës nën shi, diell apo në të ftohtë, rrit rezistencën fizike dhe rrjedhimisht atë mendore, duke arritur madje edhe një menaxhim më të mirë të stresit. Lëvizja me biçikletë kërkon një impenjim dhe forcë fizike jo pak të konsiderueshme: duhet të përballoni gropat në rrugë, me motin që ndryshon papritur, mund të djersini, ndërsa mundësia e shfryrjes së një gome ekziston gjithmonë. Megjithatë, sapo arrini në destinacionin tuaj ndieni kënaqësi. Kështu, thellë në vete, do të pranoni se për të zgjidhur problemet tuaja duhet kohë, lodhje, djersë, impenjim, por që gjithsesi, e dini se si duhet të silleni. Dhe në këtë mënyrë, ju do të jetoni më qetësisht.
Do të ndiheni pjesë e një grupi
Nuk është patjetër e nevojshme të regjistroheni në një shoqëri çiklistësh, por mjafton shumë pak për t’u ndier pjesë e komunitetit: lëvizni çdo ditë me biçikletë. Biçikleta mund të bëhet domosdoshmëri për trupin tuaj, një pjesë e juaja, të cilën mbase nuk do të donit ta ndërronit me asgjë tjetër. Nuk është se do të bënit diçka të jashtëzakonshme, por gjithsesi, do të kontribuonit ndaj një ndryshimi kulturor, i cili i bën veçse mirë shëndetit, portofolit dhe mjedisit në të cilin jetoni.
G.shqip
Lëvizja me biçikletë bën mirë dhe kjo dihet prej kohësh, por ndoshta jo të gjithë e dinë se pedalimi mund t’ju bëjë të fitoni miliona euro dhe se kjo gjë mund të ofrojë vende të reja pune. Të dhënat e fundit të publikuara nga OBSH, Organizata Botërore e Shëndetësisë, janë interesante: duke kursyer në kostot e transportit, në karburant dhe duke investuar më shumë për pedalet, kërkimi i bërë nga Politeknikumi i Milanos, demonstron se, në përgjithësi, në çdo vend mund të kursehen 20 milionë euro në vit, nëse biçikleta do të bëhej mjeti kryesor në transportin publik.
Përdorimi më shumë i biçikletës do të reduktonte kostot e shëndetësisë: në fakt, pedalimi nuk ka efekte anësore, por vetëm pozitive. Përveçse mund të kursesh, ashtu siç mund të imagjinohet më së miri, përdorimi më i shpeshtë i biçikletës do të reduktonte përdorimin e mjeteve të tjera të transportit publik (makinave, taksive, autobusëve), duke ulur në këtë mënyrë konsumin e karburanteve dhe prodhimin e dioksidit të karbonit. Studimi i OBSH-së vlerëson se 56 qytetet europiane dhe amerikane, më të mëdhatë, nëse do të mund të kishin më shumë korsi biçikletash si Kopenhaga, do të krijonin rreth 76 mijë vende pune çdo vit.
Ndërsa nga pikëpamja e shëndetit, faktorët të cilët sjellin përfitime janë lehtësisht të llogaritshëm: falë prodhimit më të madh të endorfinës, venat zgjerohen dhe zemra rrit dimensionet e saj duke përmirësuar funksionin; pedalimi është një mënyrë e mirë për të larguar stresin. Duke pedaluar më shumë, ju do të mund të keni një mendje më aktive dhe të jeni më të shëndetshëm. Ndër të tjera, ju do të mund të përfitoni tre të mira jo materiale të pakrahasueshme:
Pedalimi përmirëson zhdërvjelltësinë në punët e shtëpisë
Edhe biçikleta ka nevojë për mirëmbajtje, si për shembull për t’i rregulluar një gomë, përveçse për t’i vaisur zinxhirin. Pra, veprime të cilat mund të mësohen në shtëpi, vetëm, ndërkohë që bëhet fjalë edhe për punë, të cilat nxjerrin në pah aftësinë e të kuptuarit dhe zhdërvjelltësinë. Duke u detyruar të gjejë e shpikë zgjidhje, truri do të detyrohet të ngacmojë “gjeniun e vetes” dhe të krijojë lidhje nervore, që nëse nuk nxiten, nuk funksionojnë.
Pedalimi përmirëson mënyrën se si të përballoni problemet
Shpeshherë rutina dhe problemet e gjithë ditës, mbase ju trullosin dhe ju bëjnë të humbisni kontrollin e situatës. Pedalimi ju ndihmon të ruani ekuilibrin tuaj mendor dhe fizik: dhënia e biçikletës nën shi, diell apo në të ftohtë, rrit rezistencën fizike dhe rrjedhimisht atë mendore, duke arritur madje edhe një menaxhim më të mirë të stresit. Lëvizja me biçikletë kërkon një impenjim dhe forcë fizike jo pak të konsiderueshme: duhet të përballoni gropat në rrugë, me motin që ndryshon papritur, mund të djersini, ndërsa mundësia e shfryrjes së një gome ekziston gjithmonë. Megjithatë, sapo arrini në destinacionin tuaj ndieni kënaqësi. Kështu, thellë në vete, do të pranoni se për të zgjidhur problemet tuaja duhet kohë, lodhje, djersë, impenjim, por që gjithsesi, e dini se si duhet të silleni. Dhe në këtë mënyrë, ju do të jetoni më qetësisht.
Do të ndiheni pjesë e një grupi
Nuk është patjetër e nevojshme të regjistroheni në një shoqëri çiklistësh, por mjafton shumë pak për t’u ndier pjesë e komunitetit: lëvizni çdo ditë me biçikletë. Biçikleta mund të bëhet domosdoshmëri për trupin tuaj, një pjesë e juaja, të cilën mbase nuk do të donit ta ndërronit me asgjë tjetër. Nuk është se do të bënit diçka të jashtëzakonshme, por gjithsesi, do të kontribuonit ndaj një ndryshimi kulturor, i cili i bën veçse mirë shëndetit, portofolit dhe mjedisit në të cilin jetoni.
G.shqip
Nuk ke mankth parkimit je i lir ndalo ku te duash gjiro nga te duash ....
