اfarë nuk duan meshkujt?
Ekziston një listë e tërë gjërash, që shkaktojnë mosmarrëveshje në një lidhje dhe shpesh herë
arsyeja e kësaj janë femrat.
Jo gjithmonë meshkujt janë ata, që duhet fajësuar, kur bëhet fjalë për problemet në lidhje. Shpesh femrat nuk e vënë re se edhe ata ndihen të lënë pas dore madje edhe të injoruar nga ju. Duke shkaktuar zënka të panevojshme dhe duke mbajtur mëri, meshkujt do të fillojnë të kërkojnë qetësinë në një vend tjetër dhe do t’i përkushtohen dikujt tjetër, që i bën të ndihen të lumtur dhe të vlerësuar. Kësaj radhe ekspertët iu drejtohen femrave me një listë gjërash, të cilat shuajnë pasionin dhe dashurinë në çift.
Meshkujt nuk janë skllevër
Në një lidhje të gjatë, në rastet e bashkëjetesës apo edhe martesës, shpesh herë gjërat fillojnë të marrin kthesën e gabuar. Janë femrat ato që më së shpeshti e sakatojnë këtë gjendje në një lidhje. Ato fillojnë t’i konsiderojnë meshkujt skllevër. “Eja më merr në këtë vend, rregulloje pak lavamanin apo shoqëroi fëmijët në shkollë, sistemoje pak shtëpinë, ji i sjellshëm me mikeshat e mia kur vijnë për darkë, edhe pse dëshiron të shohësh ndeshjen e futbollit në televizor” etj. Kjo është e padurueshme për meshkujt dhe shumë shpejt marrëdhënia do të përshkohet nga probleme dhe mosmarrëveshje të shumta.
Meshkujt nuk duan të kritikohen publikisht
Besoj që secilit prej jush ju ka ndodhur që të shihni një çift të panjohur në rrugë apo në ndonjë kafene duke u zënë. Meshkujt i urrejnë skenat që bëjnë femrat, zënkat në publik dhe mosmarrëveshjet përpara miqve. Përpiquni të mos e kritikoni kurrë para personave të tjerë, është gjëja që i ofendon më shumë. Nëse dëshironi t’i bëni të ditur ndonjë gjë që nuk ju pëlqen, gjeni mënyrën, kohën, vendin dhe gjuhën e duhur.
Të gjithë meshkujt janë “çuna mamaje”
Nuk është për tu çuditur se sa shumë dëgjojmë për problemet nuse-vjehërr dhe anasjelltas. Një gjë duhet ta kemi të qartë, familja është gjëja më shtrenjtë dhe nëna e tij është primare në familje. Ndërsa për meshkujt nëna është kult, idhull, e paprekshme. Nuk ka rëndësi nëse ai nuk e do apo nuk shkon mirë me të, se kur ka qenë i vogël nëna e keqtrajtonte. Ju nuk keni të drejtë t’ia përmendni për asnjë arsye në botë, sepse nuk do të bëni gjë tjetër veçse do t’i acaroni edhe më shumë marrëdhëniet. Keni ndonjë kritikë për t’i bërë për familjen? Lërjani atij këtë çështje dhe nëse gjatë atij momenti jeni dëshmitare, jepni edhe mendimin tuaj. Kjo do të ishte mënyra e vetme për të përmbushur qëllimin tuaj dhe për të mos e ofenduar partnerin.
Meshkujt nuk duan të kontrollohen
Duhet pranuar se arsyeja është pika më e fortë te një individ. Kështu nëse herë tjetër ju shkon ndërmend ta përgjoni, të kontrolloni telefonin e tij, të rrëmoni në gjërat e tij, të zbuloni fjalëkalimin e “e-mail”-it të tij, ta dini se kjo gjë u shkon ndërmend edhe meshkujve. Nëse jeni xheloze dhe keni frikë se mos partnerin tuaj ua merr një tjetër, ai aludon se jeni ju e para, që mund ta tradhtoni atë dhe dashurinë që ju lidh.
Po lexoja kete artikull tek gazeta Bota Sot dhe me intereson te dij sa te verteta jane
Cfar do i shtonit me shume kesaj liste?
...Hajde se po ju mirepresim...Flloni dhe qani hallet dhe dertet qe mund t'ju shkaktojne femrat
