Poezi nga vëllimi poetik:"Nuk i trëmbem natës" të autorit kapriçozi2008

[kapriçozi2008]

Kjo poezi ishte shume me ndjenje dhe e ndjere.

Perhere per prinderit shkruhet bukur, kapriciozi te uroj suksese !

Nostra_22!Faleminderit per interesimin ne temen time te poezise dhe per vleresimin qe i ben poezise:"Te lutem,baba".Keni mirnjohjen time pergjithcka ke shkrojtur.

 

[kapriçozi2008]

I bashkangjitem ketij mendimi shume poezi e bukur.
Edhe nga ana ime suksese!

Mirse erdhe ne faqen time letrare, HOSTEL.Faleminderit per vleresimin.

 

[kapriçozi2008]

Pse kaq vonë u kujtove prapë,
të trokasësh tek unë kështu pa pritur?
Ma trëmbe gjumin këtë mesnatë,
si hënë e largët,e ngrënë,e venitur....

Për dekada më mbajte të pushtuar,
s'u ngope dot,që vjen më shqetson?
Dhe frikë s'ke, edhe pse je eklipsuar,
nga dikush tjetër që shpirtin ma shëron?

-Folë! ا'kërkon si vjedhësi në vreshtë?!
Liria jote hanxharin ma ka thyer,
harbimi yt gjithë këtë vjeshtë,
më ka penduar,më ka mallëngjyer...

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Ika....
S"e përballova dot dhimbjen që kishe,
Për ëndrrat që Ti thurje miturisht.
Si sëpata e druvarit në ahishte,
shikimi yt mbi mua binte ëmbëlsisht.

Ika.....
Të mos dëgjoja nga moçali kukritje zhabazh,
që mbytnin këngën e mëllënjës.
Me dhimbje i përcolla ato ditë avash- avash,
si në agim perëndimin e Hënës.

 

[Nostra_22]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Ika....
S"e përballova dot dhimbjen që kishe,
Për ëndrrat që Ti thurje miturisht.
Si sëpata e druvarit në ahishte,
shikimi yt mbi mua binte ëmbëlsisht.

Ika.....
Të mos dëgjoja nga moçali kukritje zhabazh,
që mbytnin këngën e mëllënjës.
Me dhimbje i përcolla ato ditë avash- avash,
si në agim perëndimin e Hënës.

Pa kapricio fare ...:dong::dong::dong:

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Pa kapricio fare ...:dong::dong::dong:

Pershendetie Nostra_22.Faleminderit per pjesmarrjen ne poezite e mia.Ne dashuri s'ka kapriçozllëk,por vetem perkedheli.Respekte nga kapriçozi2008

 

[kapriçozi2008]

Re: Poezi nga v묬imi poetik:"Nuk i trë*¢em nat볦quot; të*،utorit kapriç¯؛i2008

Kjo ndarje

--------------------------------------------------------------------------------

Kjo ndarje s'أ«shtأ« e thjeshtأ«,
Siأ§ s'أ«shtأ« i zakonshأ«m ky mأ«rgim,
siأ§ mund tأ« jetأ« njأ« ditأ« e bukur nأ« vjeshtأ«,
qأ« shirat e rrufetأ«,
i fshijnأ« أ§do kujtim....

Unأ« s'e besoj ndarjen qأ« sjell mأ«rgimi.
Pas shtegأ«timit,
dallأ«ndyshet kthehen pأ«rsأ«ri....
Rron malli,pjellأ« e أ§do kujtimi,
te أ§erdhja qأ« e ngrite Ti.

Pa tjetأ«r,mbas vitesh,diku larg,
do tأ« kujtohet si nأ« pأ«llأ«mbأ« tأ« dorأ«s,
dikur...dikush...,s'u lodh as pak...
tأ« kأ«ndonte pأ«r Ty,
Si Homeri pأ«r Helenأ«n e Trojأ«s...

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

E qetë para meje,
si thëllëzë e gëzuar...
Këndoje,
çukitje,
te kodra e bleruar..

Pa dashur në zemër,
ma ngjeshe shigjetën.
S'rënkova,
por qesha,
si arushi me bletën...

Harruam ku ishim,
harruam ku qemë...
Nga etia që kishim,
as mbyjen s'e ndjemë..

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

I mbyllur brënda në një dhomë,
Mbi xham trokitje pika loti....
S'po çlodhem dot,s'e di moj zonjë?!
Më duket vetia i pa zoti....

Më mundi koha,shi dëbore,
Ma mbylli shpirtin në kafaz,
Po pse e dashur, s'më zë përdore!
Më përqafo se kam maraz.

S'pushoka shiu është inatosur,
Me retë përleshet skaj më skaj.
Ky shpirti im s'paska të sosur....
Bashkë me natyrën po zë e qaj...

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Një fije floku m'u shkëput nga koka,
Sa keq më erdhi kur e pashë tej.....
Si arrë e moçme,kur shkulet nga toka,
Edhe brinjët thyen në p'rrenj e lumenj.

S'të kisha ndjerë,kur me mua jetoje
Si fije bari mbi livadh...
Bshkë me shoqet fluturoje,
Mbi ballin tim si kulpëra mbi gardh.

Sa sy dikur mbi ty u shkrinë!
Sa vajza thurën ëndërra aty!
Duke kërkuar tek unë bukurinë,
Në qënien time futën edhe ty....

Si u shkëpute kështu pa u ndjerë?
ا'far të mërziti tek unë sot!?
Ti apo unë,kush s'ka vlerë,
Që more rrugë për një tjetër Zot?....

Sytë më rrjedhin si kovat në puse,
Nga ikja jote,moj fije floku...
Si babai vajzën që nis nuse,
Po të përcjell te ndonjë fole zogu...

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Sa herë mbështetur mbi atë gur,
Si zog pranvere më prisje mua.
Dhe gurit i kish rënë një nur
Pranverës i thoshte:'Të Dua".

Puhizë e fshehtë rrëshqiste lehtë,
Ish erë e lehtë e dashurisë,
Krenohej guri majëmprehtë,
Diçka i jepte lumturisë.

Mes kohërash i vetëm paska qënë,
E vitet i kanë hapur plagë,
Por pak nga pak i janë zënë,
Se toka mëmë i dhurojë vlagë.

Mbi të të ulur nëpër vite
Veç lotë derdhnin pikëllimin,
O gur,që dashurinë më rrite,
Të fal një puthje të ndjesh gëzimin.

Ndoshta tani nga ti krenohet,
Perëndesha vet ulur mbi gur,
Kjo dashuri që të dhurohet ,
Të mbyll çdo plagë e të jep nur.

 

[kapriçozi2008]

Titulli: Poezi nga vëllimi poetik:"Nuk i trëmbem natës" të autorit kapriçozi2008

Dhe nëse brutal jam treguar,
Në ndo një varg e shkela pak si shumë,
Besomëni,o njerëz,s'ju kam ofenduar,
Hallet tuaja tek ky varg më prunë.

E tillë është jeta-arë e pa rrethuar,
Kushdo që vjen e mbjell një farë.
Dhe unë poeti jam i detyruar
Gjithë jetën të shërbej përmbys në arë.

Vargun si fëmijë ju ma ushqeni
Qoftë kur lë shije të ëmbël atë hidhur,
Zemrën time prej poeti pranë do ta kini,
O njerëz tek ju jam shërbëtor i bindur.