Cilat janë shkaqet që shqiptarët po braktisin vendin dhe emigrojnë, shpesh duke rrezikuar jetën? Një dokumentar i shfaqur në Tiranë synon të zbulojë arsyet përmes dëshmive dhe studimeve
“Vala e re”, një dokumentar për një problem të vjetër të Shqipërisë, emigrimin është shfaqur në Tiranë. Rrjeti investigativ “Birn” ka sjellë një hulumtim që shpalos motivet që i shtyjnë shqiptarët të ikin, parë nga këndvështrimi i vetë subjekteve dhe nga ai i studiuesve.
“Zëra të ndryshëm transmetojnë mesazhet e duhura pse njerëzit ikin, që janë arsyet që ne duam të kuptojmë”, tha Likmeta.
View: https://www.youtube.com/watch?v=hQ2Zl6HmMXA&embeds_referring_euri=https%3A%2F%2Fwww.balkanweb.com%2F&source_ve_path=MjM4NTE&feature=emb_title
“Kam ndjerë një lloj frike që kishin njerëzit për të folur për arsyet pse po iknin dhe kjo është pak e çuditshme”.
Dokumentari zbulon faktorët që nxisin valën e fundit të emigrimit, me qytetarë të grupeve të ndryshme shoqërore, si edhe si përkthehet ikja për vetë shqiptarët dhe për vendin që lënë pas. Filmi po ashtu sjell përvoja të emigrantëve që kalojnë ilegalisht kufirin dhe rreziqet me të cilat ata përballen.