"Super Models of Kosova" mbahet në Gjakovë
Spektakli "Super Models of Kosova" këtë vit do të organizohet në Gjakovë, ndryshe nga vitet tjera që është mbajtur në Prishtinë, ndërsa organizatorët kanë njoftuar se kjo traditë e ndryshimit të qyteteve do të vazhdojë edhe në vitet e ardhshme.
Konkursi për vajzat pjesëmarrëse tanimë është mbyllur, ndërsa data e mbajtjes së spektaklit është caktuar 26 tetori.
“Super Models of Kosova” është një eveniment i cili mbështetet nga kompania amerikane “Ford Supermodels of the World” dhe nga fotografi me famë botërore, Fadil Berisha.
Mësohet se edhe komuna e Gjakovës do të ndihmojë në organizimin e sivjetmë të këtij spektakli, dhe përveç lokacionit do të ofrojë edhe mbështetje financiare. /Telegrafi/
