Parlamenti voton ministrat e rinj teknikë të Qeverisë Rama të propozuar nga PD

Parlamenti ka votuar emërimin e ministrave të rinj teknikë të Qeverisë Rama që janë propozuar nga kryedemokrati Lulzim Basha.
Gjatë seancës së sotme të jashtëzakonshme parlamentare, u votua shkarkimi i ministrave dhe i zv/Kryeministrit dhe u emëruan ministrat e rinj.
1-Zv/kryeministri Niko Peleshi shkarkohet me 106 vota pro
Zv/kryeministrja Ledina Mandia emërohet me 119 vota pro dhe 2 vota kundër
2-Fatmir Xhafaj shkarkohet me 104 vota, 5 kundër
3-Dritan Demiraj emërohet me 107 vota pro, 4 kundër
Ogerta Manastirliu shkarkohet me 114 vota pro, 4 kundër
4-Arben Beqiri emërohet me 118 vota pro, 3 kundër
Olta Xhaçka shkarkohet me 113 vota pro dhe 2 kundër
5-Xhulieta Kërtusha emërohet me 118 vota pro dhe 3 kundër
Arben Ahmetaj shkarkohet me 107 vota pro dhe 3 kundër
6-Helga Vukaj emërohet me 116 vota pro dhe 2 kundër
Lindita Nikolla shkarkohet me 109 vota pro dhe 1 kundër
7-Mirela Karabina emërohet me 111 vota pro dhe 3 kundër
Petrit Vasili shkarkohet me 102 vota pro dhe 10 kundër
Gazment Bardhi emërohet me 106 vota pro dhe 3 kundër http://shqiperiaime.al

Kryeministri Edi Rama ka firmosur sot gjatë mbledhjes së Qeverisë, ndryshime të tjera në disa poste zv/ministrore, konkretisht në ministritë që iu lanë PD-së, pas marrëveshjes së javës së kaluar.
Lëvizjet vijnë katër ditë pas paktit Rama-Basha që solli lëvizje në kabinetin qeveritar dhe emërimin e 6 ministrave teknikë dhe një zv/kryeministër, të propozuar nga radhët e opozitës.

Kësisoj, zv/ministër i Shëndetësisë është emëruar Mira Kapisyzi, një mjeke e shquar e shëndetësisë shqiptare. Te Ministria e Financave, largohet Ervin Mete dhe emërohet zv/ministre Irena Beqiraj e cila ka mbajtur poste të rëndësishme në administratë si zv/ministre e Financave në të kaluarën si dhe ish-drejtore e Doganave, Elona Gjebrea ikën nga Ministria e Brendshme dhe në vend të saj emërohet Rovena Vode, ish-drejtore e Kabinetit në këtë dikaster.

Nga Ministria e Drejtësisë largohet Eridian Salianji dhe në vend të tij emërohet Etilda Gjonaj, ish-komisionere pranë Avokatit të Popullit.

Ndërsa Gerti Janaqi, ish-Drejtor i Institutit të Zhvillimit të Arsimit, pason Redi Shtinon si zv/ministër i Arsimit.

Pesë emrat e rinj në postet zv/ministrore janë figura të njohura, të cilët kanë mbajtur edhe funksione të tjera të rëndësishme në administratën publike ku kanë spikatur për aftësitë e tyre drejtuese dhe profesionale. Kështu, Rama ka menduar edhe për ministritë që ja ka kaluar Partisë Demokratike, duke i blinduar ato me zëvendësministra të një niveli të lartë profesional.

Ndryshimet e zv/ministrave

Zv/ministër i Shëndetësisë - Emërohet Mira Kapisyzi

Zv/Ministër i Financave - Largohet Ervin Mete, emërohet Irena Beqiraj

Zv/Ministre e Brendshme - Largohet Elona Gjebrea, emërohet Rovena Vode

Zv/Ministër i Drejtësisë - Largohet Eridian Salianji, emërohet Etilda Gjonaj

Zv/Ministër i Arsimit - Largohet Redi Shtino, emërohet Gerti Janaqi



Profil/Kush janë 5 zv-ministrat e fortë të PS në ministritë e PD

Kryeministri Edi Rama duket se ka menduar edhe për ministritë që ja ka kaluar Partisë Demokratike, duke i blinduar ato me zëvendësministra që kanë lenë shenjë në dikasteret që kanë drejtuar për profesionalizmin.

Kështu në Ministrinë e Shëndetësisë, emërohet Mira Rakacolli (Kapisyzi), një nga mjeket më të shquara të shëndetësisë shqiptare e vlerësuar për karrierën e saj.

Nga posti i zv/Ministrit të Financave largohet Ervin Mete dhe emërohet Irena Beqiraj, e cila e ka mbajtur edhe më parë këtë post.

Irena Beqiraj ka qenë një ndër të besuarat e kryeministrit Rama dhe për shumë kohë ka qenë edhe në krye të Drejtorisë së Doganave.

Edhe tek Ministria e Brendshme ka një tjetër lëvizje po aq të menduar.

Në vend të Elona Gjebreas, zëvendësministre është emëruar Rovena Vode, e cila është personi që ka drejtuar de facto Ministrin e Brendshme pasi prej kohësh mbante postin e Drejtorit të Kabinetit.

Ndërkaq tek Drejtësia largohet Eridian Salianji dhe në vend të tij emërohet Etilda Gjonaj, e cila më herë ka qenë edhe komisionere pranë Avokatit të Popullit.

Ndryshimet kanë prekur edhe ministrinë e Arsimit ku largohet zv/ministri Redi Shtino. Në vend të tij, emërohet Gerti Janaqi i cili ka mbajtur detyrën e Drejtorit të Institutit të Zhvillimit të Arsimit.

Ikin nga detyra

Niko Peleshi- Zv/Kryeministër

Arben Ahmetaj - Ministër i Financave

Fatmir Xhafaj - Ministër i Brendshëm

Olta Xhaçka - Ministre e Punës

Petrit Vasili - Ministër i Drejtësisë

Lindita Nikolla - Ministre e Arsimit

Ogerta Manastirliu - Ministre e Shëndetësisë