.... dhe po e mbyllim këtë kapitull

Hashim Thaçi ka thënë: Serbia kreu gjenocid në Kosovë, dhe po e mbyllim këtë kapitull



Presidenti i Kosovës, Hashim Thaçi ka thënë se Kuvendi i Kosovës ka bërë mirë që ka miratuar Rezolutën e dialogut me Serbinë si dhe ekipin negociator. Ka thënë se me këtë ekip do të përmbyllin kapitullin e errët të gjenocidit serb në Kosovë.

“Andaj, edhe në këtë fazë kam besim se vendimi i Kuvendit do t’ia dalim me sukses dhe do të përmbyllim kapitullin e errët të gjenocidit serb në Kosovë”, ka thënë Thaçi në një konferencë në aeroport, para nisjes së tij për New York.

“Dje ka qenë edhe votimi në Kuvendin e Kosovës, nga deputetët e pozitës dhe opoizitës të një rezoluta për një ekip gjithëpërfshirës, duke i krijuar hapësirë edhe shoqërisë civile. Ky dialog do të jetë final me mundësi të një marrëveshjeje të përhershme, me njohje reciproke”, ka shtuar ai.


GE

Thaçi thotë: Nuk do të hakmerremi ndaj Serbisë, por jemi të përgatitur për çdo rrethanë


Presidenti i Republikës së Kosovës, njëkohësisht Komandant Suprem i FSK-së, Hashim Thaçi ka thënë se Ushtria e Kosovës ka vend për të gjitha komunitetet dhe nuk është kundër askujt. “Rinia e komunitetit serb i ka dyert e hapura nëse do për t’iu bashkuar Ushtrisë së Kosovës”.

Thaçi në “Debat Plus” me Ermal Pandurin në RTV Dukagjini ka thënë se:

Kosova nuk e ka ndërtuar ushtrinë për të luftuar, por për të ndërtuar paqe.
“Ushtria nuk nënkupton luftë, për mua nënkupton paqe”, tha ai.


Presidenti nuk beson se Serbia është e interesuar për t’i shpallur luftë Kosovës e as NATO-s.
“Ne agjendën tonë nuk e kemi drejtuar kundër Beogradit. E kemi për anëtarësim në Bashkim Evropian, NATO dhe OKB”.
Komandanti Suprem i FSK-së ka thënë se Kosova nuk do revanshojë Serbinë, por është e gatshme për të gjitha skenarët.


“Nuk duam revansh, hakmarrje as destabilitet në vend, por në të njëjtën kohë jemi të përgatitur për çdo rrethanë. Por nuk besoj se do të ketë më luftë. Ne kemi NATO-n në Kosovë, por duam të aderojmë në NATO”, tha Thaçi.


Thaçi thotë se Ushtria e Kosovës do të ketë shtrirje në çdo cep të Kosovës, por nuk pret ndonjë rrezik nga Serbia.

“Nuk pres ndonjë mësymje nga Serbia, pasi e sigurtë se do t’i kthehet bumerang”, deklaroi ndër të tjera presidenti i Kosovës, Hashim Thaçi.



GE