Tuana
Nada é por acaso!
Automjetet pa drejtues, parqet në tarracat e ndërtesave dhe mjediset e gjelbëruara do të jenë pjesë të pandashme të qyteteve në të ardhmen. Kështu mendon një arkitekt, i cili ka një projekt mjaft ambicioz.
Sipas tij, kopshtet e shtëpive dhe gardhet rrethuese do të jenë pjesë të së shkuarës, pasi qytetarët e së ardhmes do të jenë të lirë të lëvizin në mjedise dhe komunitete eko-miqësore.
Burimet ujore do të filtrohen dhe menaxhohen me efikasitet, ndërsa uji i shiut do të përdoret më shumë se asnjëherë tjetër drejtpërsëdrejti për vaditje.
Ndërkohë, dritat e rrugëve do të jenë me sensorë dhe do të ndizen sa herë që dikush është duke lëvizur aty. Arkitekti Vincent Celebaut, kanë dizajnuar këtë plan për qytetin Kunming në provincën Yunnan të Kinës. Ai aspiron që të ndërtojë një lidhje të fortë mes qytetit dhe mjediseve të gjelbëruara.
Vizioni tij ofron një zgjidhje për rritjen e konsumit të energjive të parinovueshme. Projekti i tij, i cili fillimisht do të zbatohet në Kinë, quhet “Flavours Orchard”, dhe do të zbatohet në qendrën e qytetit Dianchi në Kinë. /Shekulli/