Titulli: Nuk më duhet më jeta! Flet babai i fëmijëve të mbytur sirianë
Babai i Ajlan pas tragjedisë refuzon nënshtetësinë kanadeze
Pas tragjedisë autoritetet kanadeze i kanë ofruar nënshtetësinë për tu bashkuar me motrën e tij por babai i dy vogëllushëve e ka refuzuar duke thënë se e vetmja gjë që do të bëjë është vetëm të qajë pranë varrit të tyre dhe gruas së tij.
I shkatërruar nga tragjedia që i ka ndodhur babai i dy të miturve Aylan dhe Galip, 3 dhe 5 vjeç ka shpërthyer në lot pasi doli nga Instituti i Mjekësisë Ligjore në Bodrum të Turqisë.
“Djemtë e mi ishin të mrekullueshëm, ashtu si çdo fëmijë për prindërit e tyre. Ata më zgjonin cdo mëngjes e më kërkonin të luaja me ta, tani çdo gjë ka marrë fund”- tha Abdullah Kurdi për gazetarët.
Ai ka rrëfyer udhëtimin e vdekjes për familjen e tij.
“Mbaj mend që në barkën e vogël ishim 13 persona, lundruam përreth 5 minuta dhe më pas një dallgë na goditi dhe personi që drejtonte u hodh në det dhe u largua, ne mbetëm në mes të detit dhe unë u përpoqa të marr drejtimin e mjetit lundrues, por një tjetër dallgë na goditi, barka u përmbys dhe unë humba dy djemtë dhe gruan”.
Në polici Abdullah Kurdi ka deklaruar se ka paguar dy herë kontrabandistët për të marrë atë dhe familjen nga Turqia drejt Greqisë, por ishte mashtruar, ndaj u detyrua të udhëtonte me atë mjet të vogël lundrues.
Trupat e dy të miturve dhe nënës së tyre 35 vjece janë përcjellë drejt Stambollit për tu dërguar më pas në kufirin sirian.
Pas tragjedisë autoritetet kanadeze i kanë ofruar nënshtetësinë për tu bashkuar me motrën e tij por babai i dy vogëllushëve e ka refuzuar duke thënë se e vetmja gjë që do të bëjë është vetëm të qajë pranë varrit të tyre dhe gruas së tij.
Kobani, qyteti ku jetonte kjo familje fatkeqe ka qenë skenë e luftimeve të ashpra muajt e fundit, ndërsa mijëra sirianë kanë lënë vendin e tyre.
//politiko.net
