Një lajm aspak pozitiv do të vinte pak ditë më parë për Liverpulin. Rastet e shumta me varaiantin e ri të Covid-19 në Britaninë e Madhe bënë që Gjermania të merrte vendimin për të ndaluar hyrjen në territorin e saj të çdo shtetasi britanik. Kjo vuri në pakik skuadrën e Klop, e cila rrezikonte të humbiste 3-0 në tavolinë ndeshjen e vlefshme për Champions League kundër Lajpcigut.
Por të dyja ekipet kanë gjetur një tjetër zgjidhje dhe e kanë zhvendosur sfidën në Hungari. “Pushkash Arena” në Budapest do të hapë dyert më 16 shkurt për të pritur këtë duel, në mënyrë që fati i takimit të vendoset nga fusha dhe jo nga tryeza e UEFA-s. Lajmin e konfirmon vetë klubi i Lajpcigut përmes faqes së vetë zyrtare./Sport Ekspres/