Sateliti i Tokës, Hëna, ka më shumë ujë në përbërjen e saj, nga sa njihej deri më sot në librat shkencor.
Lajmi është bërë i ditur nga “Nature Paper”, e cila i referohet rezultateve të analizave të kampionit të marrë nga Apollo 17, sipas të cilave Hëna ka 100 herë më shumë ujë nga sa dihej deri më sot. E thënë më fjalë të thjeshta shkruan “Nature Paper”, e gjithë sasia e ujit në Hënë është sa volumi i detit në Karaibe.
Këto rezultate kanë sjellë pikëpyetje të reja sa i përket teorisë së formimit të Hënës. Deri më tani, prania e ujit në këtë satelit shpjegohej me përplasjen e meteorve të ujshëm dhe kometave të akullta. /Telegrafi/