Zbulohet harta gjenetike e semundjes se kancerit

Zhvillim i papritur ne fushen e studimeve kunder kancerit, pasi per here te pare eshte ndertuar harta e kodit gjenetik te tumorit njerezor qe mund te ndihmoje ne kurimin e pjesshem te semundjes.

Zbulimin e ka bere profesori i Universitetit te Kembrixhit, Mike Stratton, sipas te cilit, brenda vitit 2020 te gjithe te semuret me kancer do kene mundesi te shikojne te analizuar kodin gjenetik te tumorit per te zbuluar defektin gjenetik qe e ka shkaktuar.

Ekspertet shprehen me superlativa per kete zbulim, duke thene se eshte kerkimi me i rendesishem i bere per kancerin ne 10 vitet e fundit. Dy hartat gjenetike katalogojne mutacionin e AND-se dhe kjo ua lehteson shume punen mjekeve per te zgjedhur kuren e pershtatshme.

Me pak fjale, tumoret do kurohen sipas karakteristikave te tyre gjenetike dhe jo sipas organit qe prekin. Kanceri eshte semundje genesh, por ne nje pjese te madhe te rasteve shkaktohet edhe nga faktore te jashtem si psh, duhani, alkooli apo rrezatimet kimike. Hartat e reja jane publikuar ne revisten “Nature” dhe ne to pershkruhet kaosi gjenetik me nje saktesi te paprecedente.

Harta e kodit gjenetik për dy lloje të përhapura kanceri

Për herë të parë, shkencëtarët kanë ndërtuar hartën e plotë të kodit gjenetik për dy lloje të përhapura kanceri.

Një grup studiuesish të kryesuar nga shkencëtarë britanikë kanë identifikuar të gjitha ndryshimet qelizore të tumorit, ose mutacionet e krijuara prej tij, bazuar tek kanceri i lëkurës dhe ai i mushkrive. Mike Stratton i Institutit Sanger në Britani, tha se studimi i këtyre dy lloj kanceresh, paraqet ndryshimet gjenetike që shfaqen gjatë zhvillimit të tyre.

Shkencëtari Andy Futreal tha se sfida që shtrohet për vitet e ardhshëme , është që të kuptohet se cili mutacion i shndërron qelizat në kanceroze. Në studimet e tyre, shkencëtarë thanë se kanë gjetur më shumë se 23 mijë devijime në kancerin e mushkërive dhe më shumë se 33 mijë në qelizat që shkaktojnë kancerin e lëkurës.

Ata thanë se identifikimi i shndërrimit që shkatojnë kanceret do të ndryshojnë dhe mënyrën se si janë trajtuar këto sëmundje në të shkuarën.
•voa•

Titulli: Zbulohet harta gjenetike e semundjes se kancerit

Epo gjynah ato qe kete tumor se vendosin kur ta kene... dhe ja qe se kan ne 2020