Ekspedita e përbashkët nënujore shqiptaro-amerikane njofton gjetjen më të re. Bëhet fjalë për një anije me gjatësi 140-145 metra, gjetur në afërsi të Karaburunit, që daton në periudhën mes dy luftërave botërore. Arkeologët mendojnë se mund të bëhet fjalë për anijen italiane “Rosandra”
Një tjetër zbulim në ujërat shqiptare. Në vitin e katërt të kërkimeve nënujore, ekspedita shqiptaro–amerikane ka njoftuar për një gjetje të re, këtë herë shumë pranë gadishullit të Karaburunit. Bëhet fjalë për një anije mjaft të madhe, e cila arrin gjatësinë 140-145 metra. Sipas specialistëve, deri më tani rezulton anija më e madhe e zbuluar prej kësaj ekspedite. Anija mendohet se mund t’i përkasë periudhës midis dy luftërave botërore. Ndryshe nga zbulimet e mëparshme, ku anijet janë përdorur edhe për qëllime tregtie, specialistët mendojnë se kjo mund të ketë qenë një anije transportuese e përdorur nga marina luftarake e një prej fuqive ndërluftuese, të cilat lundronin përgjatë bregdetit shqiptar. Anija, e cila gjendet në thellësinë mbi 80 metra, është e goditur nga dy silurë në bash dhe në kiç. Kjo e ka përforcuar më shumë idenë e specialistëve të ekspeditës, se ajo mund të jetë goditur gjatë periudhës së luftës. Arkeologët e ekspeditës shqiptaro–amerikane, duke parë të dhënat teknike të anijes, si dhe vendndodhjen e reliktit të mbytur, mendojnë se anija e sapogjetur mund të jetë një prej anijeve të marinës italiane, e cila u godit nga nëndetëset angleze më 14 qershor të vitit 1943, ora 14:10. Nëse kjo e dhënë do të përputhet me studimin e mëtejshëm të këtij relikti arkeologjik, atëherë mund të thuhet se kjo ekspeditë mund të ketë zbuluar vendndodhjen e anijes italiane “Rosandra”. Anija “Rosandra”, me kapacitet mbi 8 mijë tonë e marinës italiane, e ndërtuar në kantierin e Triestes më 1921, rezulton e mbytur nga nëndetëset britanike më 14 qershor të vitit 1943, në një lundrim që rezultoi fatal nga Porti i Vlorës, në drejtim të Portit grek të Patras, ku transportonte material të ndryshme për ushtrinë italiane. Nëse anija e zbuluar nga ekipi shqiptaro-amerikan rezulton të jetë “Rosandra”, atëherë kemi një koincidencë mjaft interesante, pasi zbulimi u bë vetëm 3 ditë larg përvjetorit të mbytjes së saj. Ekspedita e drejtuar nga bashkëdrejtorët dr.Jef Royal për palën amerikane dhe dr.Adrian Anastasi i Institutit të Arkeologjisë, dhe i financuar nga “RPM Nautical Foundation”, një prej fondacioneve të njohura amerikane në këtë fushë, mendojnë se ky zbulim i rëndësishëm tregon edhe një herë për vlerat e mëdha që fshihen në thellësitë e deteve shqiptare. Ky zbulim do të sjellë një interes mjaft të madh për specialistët e kësaj periudhe, të cilët mund të hedhin dritë më shumë mbi fatin e kësaj anijeje italiane të mbytur gjatë periudhës kur ushtria italiane do të kapitullonte në frontin e Luftës Botërore. Ekspedita arkeologjike nënujore shqiptaro- amerikane do të vazhdojë edhe për dy muaj të tjerë të skanojë fundin e detit. Ashtu siç e kanë shpallur që në krye të herës, kjo ekspeditë synon realizimin e hartave të nënujit, një projekt ky i cili e vendos Shqipërinë në vendet e pakta të Mesdheut, që kanë bërë të mundur identifikimin e pasurive të tyre nënujore. Sipas koordinatorit të kësaj ekspedite, Auron Tare, synimi final i këtij projekti është krijimi i një muzeu të arkeologjisë nënujore, mundësisht në Porto Palermo, i cili do të jetë unikal në llojin e vet, duke bërë të mundur që Shqipëria të ketë mundësi jo vetëm të ruajë pasuritë e veta nënujore, por edhe t’i ekspozojë ato në të mirë të publikut, si dhe në rritjen e interesimit të turizmit të qëndrueshëm kulturor.
shqip
Një tjetër zbulim në ujërat shqiptare. Në vitin e katërt të kërkimeve nënujore, ekspedita shqiptaro–amerikane ka njoftuar për një gjetje të re, këtë herë shumë pranë gadishullit të Karaburunit. Bëhet fjalë për një anije mjaft të madhe, e cila arrin gjatësinë 140-145 metra. Sipas specialistëve, deri më tani rezulton anija më e madhe e zbuluar prej kësaj ekspedite. Anija mendohet se mund t’i përkasë periudhës midis dy luftërave botërore. Ndryshe nga zbulimet e mëparshme, ku anijet janë përdorur edhe për qëllime tregtie, specialistët mendojnë se kjo mund të ketë qenë një anije transportuese e përdorur nga marina luftarake e një prej fuqive ndërluftuese, të cilat lundronin përgjatë bregdetit shqiptar. Anija, e cila gjendet në thellësinë mbi 80 metra, është e goditur nga dy silurë në bash dhe në kiç. Kjo e ka përforcuar më shumë idenë e specialistëve të ekspeditës, se ajo mund të jetë goditur gjatë periudhës së luftës. Arkeologët e ekspeditës shqiptaro–amerikane, duke parë të dhënat teknike të anijes, si dhe vendndodhjen e reliktit të mbytur, mendojnë se anija e sapogjetur mund të jetë një prej anijeve të marinës italiane, e cila u godit nga nëndetëset angleze më 14 qershor të vitit 1943, ora 14:10. Nëse kjo e dhënë do të përputhet me studimin e mëtejshëm të këtij relikti arkeologjik, atëherë mund të thuhet se kjo ekspeditë mund të ketë zbuluar vendndodhjen e anijes italiane “Rosandra”. Anija “Rosandra”, me kapacitet mbi 8 mijë tonë e marinës italiane, e ndërtuar në kantierin e Triestes më 1921, rezulton e mbytur nga nëndetëset britanike më 14 qershor të vitit 1943, në një lundrim që rezultoi fatal nga Porti i Vlorës, në drejtim të Portit grek të Patras, ku transportonte material të ndryshme për ushtrinë italiane. Nëse anija e zbuluar nga ekipi shqiptaro-amerikan rezulton të jetë “Rosandra”, atëherë kemi një koincidencë mjaft interesante, pasi zbulimi u bë vetëm 3 ditë larg përvjetorit të mbytjes së saj. Ekspedita e drejtuar nga bashkëdrejtorët dr.Jef Royal për palën amerikane dhe dr.Adrian Anastasi i Institutit të Arkeologjisë, dhe i financuar nga “RPM Nautical Foundation”, një prej fondacioneve të njohura amerikane në këtë fushë, mendojnë se ky zbulim i rëndësishëm tregon edhe një herë për vlerat e mëdha që fshihen në thellësitë e deteve shqiptare. Ky zbulim do të sjellë një interes mjaft të madh për specialistët e kësaj periudhe, të cilët mund të hedhin dritë më shumë mbi fatin e kësaj anijeje italiane të mbytur gjatë periudhës kur ushtria italiane do të kapitullonte në frontin e Luftës Botërore. Ekspedita arkeologjike nënujore shqiptaro- amerikane do të vazhdojë edhe për dy muaj të tjerë të skanojë fundin e detit. Ashtu siç e kanë shpallur që në krye të herës, kjo ekspeditë synon realizimin e hartave të nënujit, një projekt ky i cili e vendos Shqipërinë në vendet e pakta të Mesdheut, që kanë bërë të mundur identifikimin e pasurive të tyre nënujore. Sipas koordinatorit të kësaj ekspedite, Auron Tare, synimi final i këtij projekti është krijimi i një muzeu të arkeologjisë nënujore, mundësisht në Porto Palermo, i cili do të jetë unikal në llojin e vet, duke bërë të mundur që Shqipëria të ketë mundësi jo vetëm të ruajë pasuritë e veta nënujore, por edhe t’i ekspozojë ato në të mirë të publikut, si dhe në rritjen e interesimit të turizmit të qëndrueshëm kulturor.
shqip
Redaktimi i fundit: