Xhamia e Prilepit bëhet monument dhe faltore

Më pas në vitin 2010 ka dalë ideja që xhamia të rikonstruohet, jo si xhami por si galeri, ide të cilën nuk e ka pranuar BFI. Më pas është bërë një kompromis mes BFI-së dhe Drejtorisë për mbrojtjen e Trashëgimisë Kulturore dhe BFI-së që një pjesë e xhamisë të përdoret si galeri dhe një pjesë si faltore.










Jeni Xhamia që u dogj në Prilep në vitin 2001 do të rikonstruohet dhe do të kryej dy funksione, një pjesë do të përdoret si faltore, ndërsa një pjesë tjetër si galeri.

Komisioni parlamentar për kulturë do të inicojë ngritjen e një grupi punues për të analizuar këtë çështje të mbetur pezull me vite. Ish drejtori i Qendrës Nacionale për Konservim, Behixhudin Shehapi, tashmë deputet sqaron se projekti për ristaurimin e Jeni Xhamisë është përgatitur nga Qendra Nacionale për Konservim që në vitin 2006 dhe si i tillë është pranuar edhe nga Drejtoria për Mbrojtjen e Trashigimisë Kulturore (DMTK) dhe nga Bashkësia Fetare Islame (BFI), por është penguar që të realizohet anë atë kohë nga Komuna e Prilepit.

Më pas në vitin 2010 ka dalë ideja që xhamia të rikonstruohet, jo si xhami por si galeri, ide të cilën nuk e ka pranuar BFI. Më pas është bërë një kompromis mes BFI-së dhe Drejtorisë për mbrojtjen e Trashëgimisë Kulturore dhe BFI-së që një pjesë e xhamisë të përdoret si galeri dhe një pjesë si faltore.

BFI që nga viti 2010 i ka paguar 50 për qind të mjetevë për rikonstruim. Ndërkohë Qendra Nacionale ka hapur tenderin, ndërsa kryetari i komunsë së Prilepit ka kërkuar që të bëjë debat publik për këtë projekt dhe pastaj të vendoset.

“Ne e kishim shpallur tenderin për rikonstruimin e Jeni Xhamisë, ku 50 për qind e mjeteve për ristaurim i kishte paguar BFI, ndërsa 50-të për qind qendra tjera, nëpërmjet Ministrisë së Kulturës. Në llogarinë rrjedhës të qendrës janë 2 milionë denarët e paguar nga BFI”, sqaron Shehapi, duke shtuar se akoma vlen projekti i vitit 2006 dhe marrëveshja e vitit 2010.

“Xhamia do të mbetet monument kulture, por edhe faltore, pasi zyrat e myftinisë do të jenë aty dhe aty mund të bëhen edhe lutjet fetare. Nuk ka ligj që ndalon që monumentet e kulturës të mos përdoren si objekte kulti”, thotë ai. Shehapi sqaron se Jeni Xhamia ka qenë xhami funksionale dhe ka funksionuar deri në vitin 2001 kur edhe u dogj dhe si e tillë do të mbetet.

Ndërkaq, sipas Komunës ë Prilepit, Jeni Xhamia do të jetë vetëm monument kulture dhe jo objekt kulti. Sipas saj për të zhvilluar ritualet fetare të besimtarëve mysliman, në lagjen Trizlla të Prilepit, ku jeton një numër më i madh i qytetarëve me përkatësi fetare islame do të ndërtohet një xhami e re, në vendin ku dikur ka pasur xhami.

Myfinia e Prilepit u shpreh se fillimi i punëve ndërtimore për objektin megjithë marrëveshjen në nivel më të lartë është prolonguar dhe shpreson se pas formimit të Qeverisë së re do të realiohet marrëveshja./YllPress