Vllaznia nuk lëshon “pe” këtë sezon. Edhe pse ishte përballë një kundërshtari të vështirë si Teuta e Durrësit dhe ndeshja u luajt 90 minuta në kushte të vështira atmosferike, me reshje të vazhdueshme shiu, shkodranët triumfuan edhe këtë herë duke marrë 3 pikët, të cilat i shkëpusin ata në renditje.Edhe një herë tjetër ka qenë goleadori Ardit Hoxhaj ai që ka vendosur ndeshjen për Vllazninë me golin e tij të shënuar në pjesën e dytë.
A2news.com
Teuta u zgjua vetëm në minutat e fundit për të reaguar, por shumë vonë, pasi Vllaznia ishte e renditur mirë në mbrojtje, duke shmangur golin.
Me këtë fitore, Vllaznia shkon në kuotën e 29 pikëve, 9 më shumë se Teuta e vendit të dytë dhe 10 nga Partizani i vendit të tretë, i cili do ta luajë nesër ndeshjen e kësaj jave ndaj Apolonisë së Fierit.
