Vajzat preferojnë veshjet e djemve
Një shembull për të gjithë? Xhaketat e zeza të mbrëmjes, të cilat mbizotërojnë në mbrëmjet festive, të veshura mbi trupat e zhveshur. ثshtë përzierja që shoqërohet me taka tepër të larta.
Me ndryshimin e herë pas hershëm të modës, femrat i janë rikthyer këtë herë gardërobës mashkullore. Xhaketa sportive, xhaketat dopio pet, pantallonat me prerje të ngushtë, që kishin përfunduar në fund të raftit, sepse të bënin të dukeshe si një femër menaxhere e viteve ‘80, por që tani janë rikthyer në modë së bashku me smoking. Në interpretimin e ri të "look"-ut, përbërësi seksi është lartësuar përsëri.
"Vajza si djalosh" është më shumë tërheqëse dhe sensuale. "Mund të veshë një xhaketë meshkujsh dhe të duket më joshëse se kurrë", shpjegon Xhorxho Armani që në sfilatat e Parisit, i cili ka prezantuar një smoking tepër tërheqës, me xhaketë e pantallona të gjata dhe këmishë mëndafshi ngjyrë lulevath. "Si gjithmonë - shpjegon - është një çështje proporcioni. Një xhaketë, nëse është e prerë mirë, mund të jetë më shumë joshëse sesa një veshje mbrëmjeje, që lë të zbuluar shpinën".
Cdodite