Vajzat e Anton Çetës nuk pajtohen që shtatorja e babait të tyre të vendoset në oborrin e Katedrales “Nënë Tereza” në Prishtinë

Kresha

A pretty face can never trick me
1610666187923.png

Vajzat e Anton Çetës, Agata dhe Donika kanë dalë kundër që shtatorja e babit të tyre të vendoset në oborrin e Katedrales “Nënë Tereza”, në Prishtinë, ashtu siç është marrë vendimi nga Ipeshkvia e Kosovës.

Të dyja përmes një postimi në Facebook, kanë deklaruar se ky veprim nuk është në përputhshmëri me misionin e babit të tyre.


“Siç dihet, veprimtaria e tij ka qenë në sferën e shkencës, arsimit dhe politikës kombëtare në një kuptim mbipartiak e mbifetar. Kujtesa për këtë veprimtari duhet të ruhet në hapësirat publike që i përgjigjen më mirë misionit të tij të madh kombëtar dhe duhet të ruhet si e tillë edhe për brezat që vijnë pas”, thuhet në postim e tyre.

Po ashtu, ato kanë publikuar edhe një letër, të cilën ia kanë dërguar Ipeshkëvit të Kosovës, Imzot Dodë Gjergjit.

Letra e plotë:

I nderuar Imzot Dodë Gjergji,

Në cilësinë e familjes Çetta, ju dërgojmë këtë letër përmes së cilës deklarohemi rreth vendosjes së shtatores së babait pranë Katedrales “Nënë Tereza” në Prishtinë.

Ne vlerësojmë nismën Tuaj për të respektuar figurën multidimensionale të babait tonë. Por duke njohur mirë shpirtin e tij, dhe duke qenë të vetëdijshme për jetën dhe veprën e tij, vazhdojmë të besojmë fort se, misioni i tij fisnik u realizua duke u bazuar në vlerat e pajtimit, paqes, tolerancës fetare e mbi të gjitha mbi dashurinë e madhe ndaj popullit të vet shqiptar.


Ne vlerësojmë se figura e babait duhet të jetë model që transmeton tek gjeneratat e reja vlerat duke tejkaluar të gjitha dallimet e një shoqërie multireligjioze ku ndodhemi ne, model i paanësisë dhe dinjitetit.

Vendosja e shtatores brenda mureve të oborrit të Katedrales, do të binte ndesh me parimet dhe qëllimet e tij, prandaj ne si familje nuk e miratojmë një vendim të tillë dhe shpresojmë shumë në mbështetjen Tuaj dhe mirëkuptimin e vendosjes së shtatores përballë Fakultetit Filologjik aty ku e ka miratuar Kuvendi Komunal.

Me respekt,

vajzat e Anton Çettës,
 
Sikur ma zune syte kete teme para dy a tre ditesh.
Sidoqofte pajtohem dhe mbeshtes mendimin e vajzave te Anton Çetës.
Vepra e tij, trashegimia, jeta e tij shkon pertej interesave fetare.
Anton Çeta eshte simbol i bashkejeteses, tolerances dhe shqiptarizmit 'par ekselence'
 
Ai ka qene atdhetar Shqipetar, jo i Krishtere apo Musliman!!
Skan lidhje me vyrtytet e zakonet tona ato Fe..!!
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top