Ulqini, nga turizmi masovik tek eko-turizmi

Qyteti i sotëm është gërshetim i këtyre kulturave, ndërsa historianët janë ciceronët e pashoq të atyre periudhave që përcjellin çfarë ka ndodhur dhjetra e qindra vjet më parë, që pak e gjejmë të shkruar në arkivat tanë. Njëra prej tyre lidhet me autorin e “Don Kishotit”, shkrimtarin e famshëm spanjoll Migel Servantes.










Me Ulqinin dashurohesh me shikim të parë, natyra pothuajse e paprekur dhe deti i kthjellët i Adratikut, lë gjurmë në sytë e gjithsecilit.

Hyrja në qytet, nga vendasit, quhet e jashtëzakonshme. Me këtë ndjesi, Riviera, Ulqini i Vjetër dhe plazhet e tij, bëjnë për vete turistët që befasohen nga ai në dimër dhe në verë.

“Fatin e Ulqinit do ta ndaja me Shkodrën, të dy qytetet janë lënë në harresë. Në vend që të ecin përpara, kanë bërë hapa mbrapa”, shprehet Gëzim Hajdinaga, kryetari i komunës.

Qyteti mesjetar është pushtuar nga shumë kultura, secila prej tyre ka lënë gjurmët e veta deri në kohët e sotme. Kjo vihet re nga arkitektura dhe jeta e rrugicave të Ulqinit.

Qyteti i sotëm është gërshetim i këtyre kulturave, ndërsa historianët janë ciceronët e pashoq të atyre periudhave që përcjellin çfarë ka ndodhur dhjetra e qindra vjet më parë, që pak e gjejmë të shkruar në arkivat tanë. Njëra prej tyre lidhet me autorin e “Don Kishotit”, shkrimtarin e famshëm spanjoll Migel Servantes.

“Një nga legjendat e Ulqinit është ajo e Servantesit. Ai e shkroi një pjesë të Don Kishotit në Ulqin. Gjithashtu u dashurua me një vendase dhe këtë e përmend vetë ai”, tregon historiani Bahri Brisku.

Kjo është ura mbi Bunë, që lidh Adën me Plazhin e Madh. Përgjatë lumit ngrihen “kasolle druri” me rrjeta peshkimi të çuditshme. Nëpër guidat turistike i gjejmë me emrin “Kalimera”. Këto objekte të ngjashme me ato të Lindjes së Largët e shndërrojnë “mbi-lumin” në një vend ekzotik.

Disa kilomtera në jug të Ulqinit gjendet Plazhi i Madh, i tipit ranor. Shtrihet në një gjatësi prej 13 kilometrash, përgjatë lumit Buna. Kjo hapësirë vazhdon deri tek plazhi i Adës. Në gjuhën malazeze quhet “Velika shesh”, është burimi më i vlefshëm i rivierës së Ulqinit dhe rripi më i gjatë bregdetar në Malin e Zi, për të cilin krenohen ulqinakët. Plazhin e vogël, shumë popullor për vendasit, e gjejmë brenda në qytet. Ai ka nisur të frekuentohet në këto ditë prilli.

Ulqini, nga turizmi masovik tek eko-turizmi



Treva shquhet për pasurinë e dritës dhe nxehtësisë. Dimri i butë dhe pranvera e hershme, me restorantet romantike, dyqanet e vogla dhe objektet e kultit e bëjnë atë një qendër të ndryshueshme. Kapaciteti i përvitshëm i Ulqinit, në sektorin privat dhe atë shtetëror, arrin deri në 30 mijë shtretër.

Ulqini përpiqet me “sforco” të ruajë imazhin e dikurshëm. Nga viti në vit autoritetet vendore thonë se synojnë zgjatjen e sezonit veror me diversitet në përmbajtje, nga turizmi masovik tek eko-turizmi.

“Kemi turistë më shumë nga Kosova, Shqipëria dhe Maqedonia. Vitin e kaluar ka pasur edhe turistë që kanë ardhur nga Bosnja dhe Serbia. Gjithashtu ka patur edhe më shumë rusë, çekë etj.”, tregon Ali Rexha, Drejtor i Organizatës Turistike.

Edhe pse i pazbuluar nga shumë udhëtarë, vizitorët e rregullt nuk arrijnë të kuptojnë shndërrimin e Ulqinit. Mehmet Aloja, piktor i peizazhit, që njihet në qytet për riprodhimin e natyrës në mënyrë artistike, falë ngacmimit të shqisave të tij, tregon për transformimin e pjesshëm të Ulqinit nga zhvillimet e pakontrolluara urbane.

“Të vjen keq që një pjesë e qytetit është shkatërruar. Organet kompetente duhet të bënin më shumë për ta ruajtur. ثshtë ruajtur kalaja e vjetër, por zhvillimet urbane kanë zhdukur krojet”, shprehet Aloja.

Ulqini, qyteti i 26.000 banorëve, me përkatësi multietnike, në verë pesëfishohet. Ulqinakët nuk jetojnë vetëm në sajë të turizmit. Kultura tipike e kësaj treve është ulliri. Në shkrimet e ndryshme cilësohet “druri i dashurisë”. Në periferi të tij gjendet ullishtja më e madhe në vend, me drurë qindravjeçarë. Kurora e tij me 80 mijë rrënjë i ndihmon ulqinakët në të ardhurat dytësore.

Qytet i historisë së bujshme, është pasuruar pas çdo pushtimi pa humbur origjinalitetin e tij. Në dallim nga Shkodra, Ulqini e ruan traditën e zakonit dhe këngës.

Specialitetet e kuzhinës së Ulqinit janë të pasura, peshku përgatitet në shumë mënyra, prodhimet e detit gjithashtu, njihet “Tava e Ulqinit” që ngjason shumë me atë të Durrësit, bamjet, ushqimi më i vjetër i kësaj treve, tespixhat, një ëmbëlsirë e ngjashme me bakllavanë e Shqipërisë dhe “Lule Shege”, një tjetër specialitet autokton.

Ulqini që lëviz mes legjendës dhe së sotmes bëhet gati për sezonin e ri turistik. ثshtë periudha kur qyteti dhe ulqinakët jetojnë 24 orë në 24. Në këtë atmosferë përgatitjesh, i zoti i shtëpisë Gëzim Hajdinaga bën ftesën e rradhës: “Them që turistët 5 ditë duhet të shkojnë në Shqipëri dhe 10 ditë në Ulqin.”

Një verë tjetër rraskapitëse e pret qytetin e bukur. Nga ky sezon i ri, qytetin e vjetër e ndajnë vetëm dy ditë./Yllpress

Pe: Ulqini, nga turizmi masovik tek eko-turizmi

Ulqini shpreson ne numer rekord te turisteve

Ali Rexha, drejtor i Organizatës Turistike të Ulqinit, thotë se nuk disponojnë me shifra të tilla, pasi që regjistrimi i turistëve bëhet vetëm nëpër hotele, ndonëse jo nëpër të gjitha hotelet, kurse ata që vendosen nëpër shtëpi private veç mund të dihen kur kanë hyrë e dalë nga kufiri.







Visar Duriqi

“Mirë se vini në vendin e shqiponjave”. Kjo është porosia e parë që merr në telefon rrugës për në Ulqin, nëse në këtë destinacion nisesh nëpërmjet “Rrugës së Kombit”.

Kësaj Rruge, në të cilën Kosova e Shqipëria kanë investuar miliarda euro, sipas kryetarit të Ulqinit, Gëzim Hajdinaga, tani për tani më së shumti hairin ia ka parë Ulqini, edhe pse nuk kanë shifra se për sa e ka rritur numrin e turistëve.

Komuna e Ulqinit nuk disponon shifra të sakta për sa i përket numrit të turistëve që vizitojnë këtë vend. Ali Rexha, drejtor i Organizatës Turistike të Ulqinit, thotë se nuk disponojnë me shifra të tilla, pasi që regjistrimi i turistëve bëhet vetëm nëpër hotele, ndonëse jo nëpër të gjitha hotelet, kurse ata që vendosen nëpër shtëpi private veç mund të dihen kur kanë hyrë e dalë nga kufiri.

Megjithatë, udhëheqësit kësaj komune e cilësojnë sezonin e vitit të kaluar si më të mirin, kurse sivjet presin që të thyejnë rekord të ri. Tash, pos “Rrugës së Kombit”, hairin presin t’ua shohin edhe trazirave në vendet arabe, si Egjipti, Tunizia etj.

Ata presin që të marrin sivjet edhe turistët që shkonin më herët në Greqi. “Për fat të keq të të tjerëve, që nuk i gëzohemi, për fatin e mirë të Malit të Zi, këtu ka rritje të turistëve. Derisa shumë turistë nga shtete të ndryshme ishin më parë në Egjipt, Greqi dhe Tunizi, ku tash s’ka stabilitet e siguri, janë orientuar në Mal të Zi, konkretisht në Ulqin”, thotë i pari i Ulqinit, Gëzim Hajdinaga.

Ulqinakët edhe këtë vit shpresën e mbajnë te kosovarët. Për ta, ulqinakët kanë përgatitur plazhe të reja, i kanë rinovuar objektet e atyre ekzistuese, si dhe janë bërë gati me shtëpite private.

Nuk duan as pronarët e shtëpive, as ata të hoteleve, madje as vetë zyrtarët komunalë të Ulqinit që të flasin për çmimet, por thonë se ato përafërsisht do të jenë të njëjta me ato të vitit të kaluar. Megjithatë, këmbëngulin që çmimet nuk janë të shtrenjta.

E sa i përket pastërtisë, Ulqini mban 7 nga 17 flamujt e katërt që ka krejt Mali i Zi nëpër plazhe. Këta flamuj janë vlerësimi më i lartë për pastërti. Por, një flamur të tillë nuk e ka edhe vendi më i famshëm i kosovarëve për pushim, Plazhi e Vogël. Ai tash e disa vite mban me “krenari” flamurin e verdhë për pastërti.

Po ky plazh, sipas të parit të Ulqinit, do të jetë edhe vendi më i qetë për pushim. Edhe pse ka pasur shumë ankesa nga pronarët e lokaleve të natës, që puna e tyre të jetë në sezon deri në orët e hershme të mëngjesit, ai ka vendosur që ato do të punojnë veç deri në orën 24:00. “Në fushatën zgjedhore kisha premtuar që Plazhin e Vogël do ta bëj që të dëgjohen serenatat”, arsyeton vendimin e tij Hajdinaga.

Këtij plazhi, sipas pronarëve që ankoheshin për këtë vendim, por që për shkak të ikjes nga përplasja me institucionet duan të mbesin anonimë, sivjet do t’i mungojë edhe muzika “tallava”. Ata flasin për një frymë të re të muzikës që do të lëshohet këtë vit, që s’do ta dallojë këtë vend nga vendet evropiane.

Ngjit me këtë plazh është Kalaja e Ulqinit, simboli i qytetit. Edhe sivjet, sikurse vjet, pranë saj qëndron një vinç i madh, por që puna i është ndërprerë. Ndërtimet me blloqe të kuqe, që për banorët e kalasë janë shëmtim i saj, ani pse janë bërë me leje të Entit për Mbrojtjen e Monumenteve të Malit ët Zi, janë stopuar, por jo përgjithmonë.

“Këto ndërtime s’ janë të lejuara nga Enti për Mbrojtjen Monumenteve. Ne si komunë i kemi stopuar veç pse e kanë tejkaluar lejen, derisa pronarët t’i kthejnë në gabaritin e lejuar”, sqaron i pari i Ulqinit, Gëzim Hajdinaga. Megjithatë, ai thotë se nuk ka vendim që ato blloqe të hiqen krejt.

Në krah të Hajdinagës, gjatë prononcimeve për gazetarët, rrinte Ali Rexha, drejtor i Organizatës Turistike të Ulqinit. Rexha thotë se sivjet kanë rritur kapacitet pritëse, dhe kanë themeluar shtabin për këtë sezon, me çka turistëve iu garantojnë ujë e rrymë pa ndërprerë, dhe pastërti në nivel të lartë.

“Eurokoha” investon në plazhin “Copacabana”

Grupi i gazetarëve nga Kosova vizitoi shumë plazhe, ndër të cilat edhe plazhin “Copa Cabana” në Plazhin e Madh. Pos investitorit vendas, Prelë Shiroka, aty tash ka investuar edhe kompania “Eurokoha” nga Kosova.

Të dy pronarët e saj, Shiroka e Naim Ejupi deklarojnë se kanë punuar që kushtet për pushuesit të jenë dukshëm më të mira se vitin e kaluar, duke pasur parasysh që çmimet të jenë si të vitit të kaluar.

““Eurokoha” si investitor në këtë plazh ka edhe oferta speciale për pushuesit nga Kosova, të cilat përfshijnë edhe akomodimet, gjë që është shumë lehtësim për kosovarët. Këto investime i kemi bërë sivjet në Ulqin, por vitin e ardhëm do t’i bëjmë edhe në bregdetin shqiptar, me çka do të mundohemi të ofrojmë shërbime sa më të mira dhe më lehtë të arritshme për kosovarët”, thotë Naim Ejupi. (Zëri)

Pe: Ulqini, nga turizmi masovik tek eko-turizmi

Jan te zgjuar bota jo si ne

Pe: Ulqini, nga turizmi masovik tek eko-turizmi

To view this content we will need your consent to set third party cookies.
For more detailed information, see our cookies page.

Accept third party cookies

Udhëtim në Ulqin nga Top Channel – Video