Procesi është i thjeshtë, zgjat rreth 20 minuta dhe kushton diku tek 200 euro.اdo ditë tre vajza kryejnë ndërhyrje kirurgjikale për rifitimin e virgjërisë. Ato janë mes moshës 18 dhe 30 vjeç. Procesi është i thjeshtë, zgjat rreth 20 minuta dhe kushton diku tek 200 euro në klinikat publike ndërsa në klinikat private çmimi arrin edhe më tepër.
Arsye është, për ta paraqitur veten si të virgjër tek mashkulli, që nesër do jetë burri i tyre. Në këtë mënyrë hidhen pas marrëdhëniet e kaluara seksuale pasi meshkujt përgjithësisht kërkojnë një “test virgjërie” para vendimit për martesë. Operacionet janë sekrete, pasi ato janë të ndaluar nga rregullat gjinekologjike të klinikave, pasi për këtë disiplinë nuk flitet në asnjë pjesë të legjislacionit shqiptar. Sekreti kërkohet edhe nga vajzat që realizojnë ndërhyrjen.
Fenomeni ndeshet që prej 20 vitesh, gjinekologët dhe sociologët shprehen se kjo ndodh kryesisht për shkak të emigrimit masiv të meshkujve në vendet perëndimore. Pasi ata e gjejnë gruan e tyre në Shqipëri dhe për shumë kohë mbajnë lidhje në distancë. Por jo vetëm kjo, pasi këtu ndikon edhe shovinizmi i rrënjosur në shoqërinë shqiptare. Liria seksuale e meshkujve pranohet gjërësisht por kur vjen puna tek femrat, ato kanë një disavantazh.
Arsye që vazhdon të mbizotërojë ky fenomen ndoshta ka të bëjë edhe tek mungesa e revolucionit seksual. Por paradoksalisht statistikat e Institutit të Shëndetit Publik tregojnë se shqiptaret e humbin virgjërinë në moshën 13-vjeçare, niveli më i ulët sa i takon vendeve të Ballkanit. (Shekulli)
.
.