THE NEW ISLAM NË TIRANË

E**A**

Antarë i Respektuar
ben-blushi.jpeg

Jo vetëm përpara 30 vitesh por edhe përpara 5 vitesh kjo foto do ishte e paimagjinueshme në Tiranë.
Kaq shumë vajza dhe gra të mbuluara, Tirana dhe Shqipëria ndoshta nuk ka patur kurrë që kur Mbreti Zog e ndaloi ferexhene me ligj në vitin 1937.
Sot, muslimanët e Shqipërisë gjithnjë e më shumë i veshin vajzat dhe gratë e tyre si një detyrim ndaj Islamit duke e përdorur shaminë si shenjë dalluese.
Duket sikur muslimanët dhe sidomos gratë e tyre duan ta shpallin që janë muslimanë në distancë.
Kam folur me shumë nga këto gra dhe të gjitha më thonë se ndjehen më të mbrojtuara nga burrat dhe nga shoqëria, më të lumtuara dhe gjithnjë e më të integruara në komunitetet ku jetojnë duke u mbuluar.
Një vajzë 14 vjec me emrin Medina, që po falej sot në sheshin Skënderbej,pasi pranoi ta fotografoja, më tha se është mbuluar vetëm për sot, ditën e Bajramit,por mezi pret qe vitin tjetër të mbulohet përgjithmonë.
Përjetësisht,e pyeta
Përjetësisht,tha Medina duke qeshur.


293019912 577955583903687 8633141993229026973 N

Me keqardhje nuk vura re asnjë shqetësim, asnjë detyrim dhe asnjë dilemë në fytyrën e saj të pastër.
Gjatë këtyre muajve të fundit i kam kërkuar shumë grave muslimane të mbuluara,në moshë, të pozojnë për mua dhe shumica kanë refuzuar,duke vënë dorën mbi fytyrë apo duke u rrudhur nga sikleti.
Islami,tradita dhe burrat nuk ua lejojnë të fotografohen.
E kundërta ndodh me vajzat e reja.
Ato janë miqësore,pozojnë duke qeshur,llastohen dhe flasin hapur për raportet e tyre me fenë,me shoqërinë dhe me djemtë.
Pasi i fotografoj kanë vetëm një kërkesë. Në cfarë adrese instagrami mund ti marr fotot.
Ky është Islami i Instagramit.
Duke e ditur se muslimanët nuk pranojnë se dogma e tyre mund të reformohet, nuk e di a më lejohet të them se ky është The New Islam.
Një Islam i Ri
Ai është shumë më i hapur, shumë miqësor, shumë i ciltër dhe me shumë kolorit.
Një Islam që do të jetojë mirë dhe të bashkëjtojë edhe më mirë.
Ky Islam i Ri sakrifikon për te jetuar më mirë, por jo për të vuajtur më shumë.
Për Islamin e Ri, distanca mes njeriut dhe Zotit është më e qartë, më e dukshme dhe më e arritshme.
Ky lloj Islami është cetrifugal, vetëkontrollues dhe i lexueshëm por nuk është negativ, mohues,i mbyllur dhe imponues.
Me fjalë të tjera ai rrotullohet pa dyshim rreth Muhamedit dhe Kuranit,por nuk mohon atë që nuk buron nga Muhamedi dhe Kurani.
Ky është një Islam njerëzor,modest dhe estetik që ndjek modën e vet.
Shumë nga vajzat që pashë sot në sheshin Skënderbej ishin zbukuruar,kishin lyer buzët,ishin parfumosur,kishin syze dielli,rrinin mbi taka dhe nuk kishin mbuluar trupin detyrimisht.
Falja e Bajramit dukej si një sfilatë mode,një garë mes hixhabëve,shadorëve, nikabëve dhe shumë pak burkave të zeza.
A ka dhe Islami modën e vet?
Sigurisht që ka dhe duhet inkurajuar që ta ketë.
Disa ditë më parë u futa rastësisht në një dyqan ku qepeshin shami të llojeve të ndryshme dhe aty kuptova ku ndryshon jo vetëm moda, por edhe veshja e grave të mbuluara muslimane.
Është njëlloj si ndryshimi që ka një xhaketë me një pelerinë, një pallto me një xhup apo një jelek me një triko për burrat.
Po përpiqen ti bëj një renditje dhe shpjegim.
Burka është mbulim i plotë i fytyrës, flokëve dhe syve.
Nikab është mbulim i flokëve dhe fytyrës por jo i syve.
Shador është një veshje e gjatë që rrotullohet rreth kokës dhe pjesës së sipërme të trupit duke lënë të zbuluar vetëm fytyrën.
Hixhab është mbulimi i pjesshëm i flokëve por jo i fytyrës dhe as i syve.
Natyrisht që mua më pëlqen ky i fundit, pavarësisht se në sfilatën e sheshit Skënderbej konkurronin në masë hixhabët me shadorët.
Të gjithë me ngjyra të celëta që farfurinin në diell.
Ky shënim për kategoritë e veshjeve kufizuese të grave muslimane për mua nuk ka asnjë kuptim, përvec njërit.
Stili i jetesës tregon aftësinë dhe mundësinë e komuniteteve të ngurta të izoluara dhe të paragjykuara për tu përshtatur me pjesën tjetër të botës.
Islami ka gjetur dhe po gjen mënyrën e vet për tu klimatizuar me të gjithë ne që nuk e njohim, që nuk e besojmë dhe që e paragjykojmë.
Në qindra vite shumë njerëz në Perëndim, janë përpjekur të kuptojnë nëse mund të bashkëjetohet me Islamin dhe me doktrinën e tij jomiqësore ndaj feve të tjera dhe sidomos ndaj grave.
Islami dukej si një fe e krijuar për të ndëshkuar gratë dhe qafirët, pra ata që nuk besojnë te Muhamedi apo nuk besojnë sic duhet tek ai.
Në kushtet e një Islami mesjetar dhe shumë të izoluar nga bota, deri para disa dekadash,gratë më shumë se qafirët, ishin viktimat e tij më të kollajshme shtëpiake.
Ndoshta kjo po ndryshon.
Gratë që pashë sot në shëshin Skënderbej nuk mu dukën të kontrolluara nga burrat apo baballarët e tyre përmes instrumentit të Islamit, por si qenije njerëzore që e kanë zgjedhur Islamin pavarësisht nga dëshira e burrave.
Gjithnjë kam pyetur veten pse nuk ka hoxhë apo imam femëror.
Në kushtet kur gratë luajnë futboll dhe bëjnë cdo lloj pune që para 30 vitesh e bënin vetëm burrat,kleri fetar ka mbetur i vetmi profesion i botës, i pafeminizuar.
Ndoshta hapja e shoqërive mund ta ndryshojë edhe Islamin duke e feminizuar dhe duke i dhënë kontroll të barabartë burrave dhe grave në administrimin e përditshëm të Zotit dhe punëve të tij.
Nëse kjo ndodh,me siguri edhe vetë Zoti do ndjehej më i përkëdhelur.
Sepse jo vetëm ne por edhe Zoti ka nevojë për The New Islam.
Për një Islam të Ri.

/ Ben Blushi
 
Po ku ka njohur ndonjehere Islamin tamam ky Blushi paj Zotin. 😁😁
Hajd inshallah vjen 1 dite dhe e meson si eshte feja, larg paragjykimeve. 😁

Nejse nejse, kshu ka stil xhanem! 😁
 
Historia e njerzve çdo herë ka pasur një marramendje nga ashensori i veshjes dhe xhveshjes.... dhe natyrisht është normale ky fenomen ç'ekuilibrues.... shpresoj që me kohë njerzit do i afrohen nje ekuilibri të nevojshëm para se të gjykojmë e veçanarisht paragjykojmë.
 
Po ku ka njohur ndonjehere Islamin tamam ky Blushi paj Zotin. 😁😁
Hajd inshallah vjen 1 dite dhe e meson si eshte feja, larg paragjykimeve. 😁

Nejse nejse, kshu ka stil xhanem! 😁

Mua më habisin meshkujt kur dalin dhe falen në shesh, imagjino mendimin tim për femrat që falen në shesh 😁

Kam respekt për këto me veshje të thjeshta dhe atlete, por këto me mbulesa e me taka e që dalin me u fal në shesh sesi më duken 😁
 
Mua më habisin meshkujt kur dalin dhe falen në shesh, imagjino mendimin tim për femrat që falen në shesh 😁

Kam respekt për këto me veshje të thjeshta dhe atlete, por këto me mbulesa e me taka e që dalin me u fal në shesh sesi më duken 😁
Ka shume gjera per koment shkrimi i tij.
Po ashtu dhe kjo qe ke shkruar ti tani.
Por tani po shoh 1 film 😁🤗
 
Ka shume gjera per koment shkrimi i tij.
Po ashtu dhe kjo qe ke shkruar ti tani.
Por tani po shoh 1 film 😁🤗
Ato kepucet se kish vesh per bajram,mos jan gje te mijat se nuk po i gjej un asgjekundi🤔
 
Ato kepucet se kish vesh per bajram,mos jan gje te mijat se nuk po i gjej un asgjekundi🤔
Cilat mi? Se une vura 2 pale kpuce e 2 pale tveshme. me e kamuflu çik veten 😝
 
E kshu kshu punaaa.... 😁
 
Ore po Hoxhe Kalaja ça pati me Kaç Myftarin?
Zakonisht ky eshte shume i pergatitur por foli me aq mllef, aq inat e aq urrejtje per Myftarin sa mu duk sikur foli dikush nga rruga e jo nje Hoxhe i pergatitur🤷‍♂️
 
Me pelqeu dhe kjo qe kishte thene Nada Dosti, nder te tjera ne shkrimin e saj:

“Hip se t’vrava, zbrit se t’vrava!”, nëse këto gra zgjedhin të rrijnë larg jetës publike janë të paintegruara, por nëse e mbajnë veten dhe marrin pjesë aktive në jetën publike janë moderne dhe instagramse. Pra gjithmonë tematikë debati, sepse gjithmon ka diçka që nuk shkon me to.
Gratë muslimane nuk janë pjesë e një komuniteti të ngurët dhe të izoluar, siç pretendon autori i shkrimit në fjalë. Ngurtësimi dhe izolimi ka ndodhur pikërisht nga paragjykimi dhe institucionalizimi i islamofobisë duke përjashtuar gratë me shami nga administrata shtetërore, si dhe nga arsimimi shtetëror.
Nga ana tjetër, gratë muslimane nuk kanë qenë kurrë “viktima të kollajshme shtëpiake” të Islamit, por të partriakalizmit, ndoshta dhe viktima të ideologjive që e kanë keqinterpretuar Islamin duke ia përshtatur natyrës fanatike të vetë shqiptarit.
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top