ثshtë verifikuar se ata nxënës të cilët mendojnë me zë të lartë dhe e shtrojnë problemin në forma të ndryshme, janë më të suksesshëm në matematikë.
Sipas një lajmi të dhënë në gazetën italiane Corriere della Sera, shkencëtarët e universiteteve Ande të Venezuelës dhe Granada të Spanjës vëzhguan procesin e zgjidhjes së problemeve matematikore nga nxënësit e vitit të fundit të degës së matematikës.
Shkencëtarët të cilët krahasuan mënyrën e zgjidhjes së problemit nga ana e nxënësve me kohën e zgjidhjes, provuan se nxënësit të cilët mendonin me zë të lartë dhe e zgjidhnin problemin me ndihmën e formave ishin më të suksesshëm se të tjerët. Shkencëtarët theksuan se zgjidhja e problemit me anë të formave nga ana e perceptimit matematikor dhe e zgjidhjes ndihmon në zhvillimin e një mendimi më elastik, ndërsa mendimi me zë të lartë luan një rol të rëndësishëm në përqendrim.
Gjithashtu shkencëtarët pohuan se mendimi me zë të lartë i ndihmon njerëzit të kuptojnë gabimet dhe i këshilluan nxënësit që detyrat e matematikës t’i zgjidhin duke përdorur grafik, tabela dhe duke menduar me zë të lartë.
•start•