• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Statusi i minatorit, protestë poshtë zyrës së Ramës: Mbani premtimin!

NeVertiti

Kohe & Stine
Staf në FV.AL


Përpara Kryeministrisë në Tiranë janë grumbulluar sot dhjetëra minatorë të dalë në pension nga e gjithë Shqipëria, të cilët po protestojnë duke kërkuar të drejtat e tyre dhe votimin e Statusit të Minatorit, i cili ende mbahet peng duke mos u hedhur për votim në Kuvend.

Policia e kryeqytetit ua ka ndaluar atyre mundësinë e zhvillimit të tubimit para Kryeministrisë, duke refuzuar kërkesën zyrtare, por minatorët kanë vijuar aksionin duke paralajmëruar se nuk do t’i ndalin protestat deri në plotësimin e kërkesave.



Ata theksojnë se etapat e diskutimeve me qeverinë kanë marrë fund, pasi shteti i ka harruar dhe tashmë është koha e protestave, duke shtuar se do t’ju bashkohen para Kryeministrisë në ditët në vijim edhe të afërmit e tyre.

Sekretari i Përgjithshëm i Federatës Sindikale të Punonjësve të Industrisë së Shqipërisë, Taf Koleci tha se Statusi i Minatorit ka përfunduar së përpiluari dhe diskutuari në komisione, por një ngërç i paprecedentë është krijuar nga qeveria.

“Jemi brenda rregullave, është protestë paqësore, jo për të shkatërruar e djegur. Kërkojmë të drejtat tona. Minatorët kërkojnë statusin e tyre. Ne do ta vazhdojmë protestën. Kërkojmë një të drejtë që duhet të ishte dhënë që në fillim të demokracisë. Ne kemi bërë bisedime me ministrinë përkatëse dhe ka qenë zv.ministri në tavolinë dhe kemi rënë dakord për 11 pikat e statusit. Ndaj ne do dalim në protestë para kryeministrisë që ky status të jepet në kohën sa më të shkurtër. Ne jemi të organizuar në mënyrën më të mirë të mundshme”, tha Koleci.

“Hajde Taulant Balla, Ulsi Manja, hajdeni këtu, mbani premtimin!”, u shpreh njëri prej minatorëve.


(gazeta-Shqip.com)
 
Top