Sonata e Sonadës

Nga Ben Blushi


Isha në Xhaminë e Shkodrës. Një vajzë e mbuluar u afrua te hyrja e grave.

– Të të bëj një fotografi?- e pyeta.

– Nuk është e mundur,- tha ajo.

– Fotografia ime nuk është për keq,- i thashë.

– Ky është Ben Blushi,- tha një grua tjetër,- pranoje, nuk ka problem.

– Për çfarë i bën këto foto?- tha vajza.

– Dua të bëj një libër me njerëz të bukur,- thashë unë.

– Mendon se jam e bukur?

– Shumë,- i thashë.

– Mirë, por a mund të më nxjerrësh vetëm me kurriz?- tha vajza.

– Të paktën në profil,- i thashë.

– Sot jam pak e skuqur,- tha vajza.

– Si quhesh?- e pyeta.

– Sonada.

– Sonata?

– Ma ngatërrojnë shumë njerëz, Sonada, jo Sonata!

– Kur je mbuluar?

– 14 vjeç.

– Je e lumtur?

– Shumë e lumtur.

– Po mami është e mbuluar?

– Mami u mbulua 2 muaj përpara meje.

– Pra ti u mbulove nga mami?

– Unë u mbulova, sepse e ndjeva.

– Po motra është mbuluar?

– Motra është praktikante, nuk është mbuluar, por mezi po pret.

– Dëgjon muzikë?- e pyeta.

– Është e ndaluar,- tha Sonada.

– Po si mund të jetosh pa muzikë, a ka gjë më të bukur?- e pyeta.

– Është e provuar që muzika dëmton veshët- tha Sonada.

– Po në dasma shkon?

– Kam shkuar,- tha Sonada.

– Nuk ke kërcyer asnjëherë?

– Pothuajse nuk kërcej,- tha Sonada.

– Duhet të dëgjosh muzikë,- i thashë,- nuk ka asgjë të keqe.

– Këngët kanë shumë fjalë të papërshtatshme,- tha Sonada.

– Sa vjeç je?

– 19.

– Çfarë shkolle ndjek?

– Për infermieri.

– Të lejojnë në shkollë të mbuluar?

– Po aty ka dhe vajza të tjera si unë.

– Kur do martohesh?

– Kur ta vendosë Zoti.

– Po si do njihesh me dikë kur nuk del, nuk dëgjon muzikë, nuk shkon në disko dhe nuk të lejohet të takosh djem?

– Përmes lutjes,- tha Sonada.

– Pra ti lutesh edhe për të gjetur një djalë?- e pyeta.

– Unë kam përcaktuar karakteristikat e njeriut me të cilin dua të jetoj dhe lutem që ai të shfaqet.

– Po a gjendet burri duke u lutur?

– Edhe familja mund të ndihmojë,- tha Sonada.

– Pra do fejohesh me mblesëri?

– Mblesëria nuk është e keqe, por familja nuk do bëjë asgjë pa më pyetur mua.

– Çfarë është Zoti për ty?

– Zoti është diçka kaq e madhe sa nuk përshkruhet dot me fjalë.

– A mund ta hedh foton tënde në Instagram?

– Mund ta hedhësh.

– Je një vajzë shumë e mirë Sonada.

– Duhet të iki,- tha Sonada.

– Do marrësh abdes?- e pyeta.

– E mora abdesin, tani do lutem.

– Lutje të mbarë!- thashë unë.

– Faleminderit!- tha Sonada.

Albanianpost.com

"Muzika dëmton veshët."
Edhe thikat janë armë që vrasin, por e përdorim për të prerë bukën. Jo vjehrrën

Po me mbushet mendja qe ky Blushi i sajo vete keto histori. Sinqerisht!
Ate tipin qe e kish fotografuar tek xhamia Dine Hoxha, shume njerez qe falen perdite ne ate xhami sikur kishin thene qe nuk e njihnin Cudi!

Dhe nepermjet ketyre rrefimeve, po t'i lexosh thellesisht, Ben Blushi nuk eshte aq naiv. Po sjell ne menyre shuuuuume te rafinuar ate qe do Blushi te paraqese.

Ku s'me doli njehere para t'me beje mua 1 foto e t'perfundoje duke ul shikimin Blushi, e jo une!