Sokrat i vuejtun apo derr i kënaqun?

Kryetari i bashkisë së Tiranës u bezdis nga pyetjet mbi qentë e rrugës sonte në Opinion. Sipas tij nuk ia vlente të harxhohej kohë as nga paneli e as nga teleshikuesit me këtë problem sepse ai e kishte të qartë detyrën e tij.

Sipas tij:

1. Spitali në Kombinat ishte i vetmi në Shqipëri që merrej me projekte të standardeve europiane për sterilizimin, vaksinimin dhe rilëshimin në territor të qenve.
Gënjeshtër! Të gjithë e dimë që kjo nuk është e vërtetë. Qentë janë vrarë.
Jane 5 qytete sot për sot në vend që sterilizojnë kafshë endacake: Shkodra, Durrësi, Fieri, Vlora dhe së fundmi Pogradeci (pas skandalit me qentë e vdekur urie në "strehën e qenve")
Tirana vret! Tirana vjedh fondin e destinuar për sterilizim. Nuk po flas për idiotësitë që tha mbi sëmundjet dhe koston e vaksinave se ishin qesharake. Dallohet që s'ia thotë kësaj teme. Mashtrimit dhe manipulimit, po.
2. Ne u bëjmë eutanazi vetëm qenve të sëmurë që nuk mund të mbijetojnë në rrugë.
Gënjeshtër! Janë vrarë të gjithë, të shendetshëm e të sëmurë, mama me këlyshë, të rinj e të vjetër. Nuk u është bërë eutanazi por janë vrarë me acid.
3. Te ne adoptojnë qen gjatë gjithë kohës.
Gënjeshtër! Nuk ka asnji qen për adoptim. Në krye të 2 ditëve nga kapja, janë të vdekur, të mbyllur në qese të zeza në landfillin e Sharrës.
4. Qyteti europian i rinisë nuk ka vend për qen agresiv.
Si duhet ta kuptojmë këtë? Vetëm kjo fjali ka një dozë aq të lartë patetizmi dhe grotesku, sa vetëm 1 kafshë e tillë politike mund ta artikulojë si zhol.
5. Edhe pse tema ishte për të pa rëndësi, ishte kujdesur për të marrë me vete fotot e qytetarit të kafshuar, duke e pranuar se të gjitha lajmet e ditëve të fundit kanë qenë të porositura për t'iu kundërpergjigjë protestës.
Pra po pranon se i vret? Po justifikohesh me kete?
6. Shoqatat e kafshëdashësve janë të përçara dhe janë me LSI.
Sa i lodhun! Oh sa i lodhun!
Sigurisht që partitë politike do kapin çdo momentum për të fitu vëmendje. Kjo nuk të heq ty asnjë përgjegjësi për vrasjet e qenve dhe vjedhjen e 85 milionë lekëve të reja me projekte fantazëm.
Për këtë ti do të përgjigjesh para ligjit dhe opinionit publik.
7. Si element shpërqendrues u përdor Roza Lati, që dikur ankohej për qentë e rrugës e sot del në protestë për ekzibicionizëm.
Përsëri, 85 milionë lekë të reja nuk i vodhi Roza, por ti dhe bashkëpunëtorët e tu.
8. Paneli ishte tepër i lodhur dhe si shumica e popullsisë i painformuar. Si Erioni, janë konsumuar si qirinj për të mirën e popullit dhe nuk i dukej interesante me folë për qentë. Sigurisht, kur nuk din, do evitosh me debatu.
E përmbylli Mentor Kikia, gazetar me eksperiencë dhe ambientalist, me problemin e kakave të qenve me pronar.
Aty Erioni u lirua dhe tha: "E pra, prandaj media dhe bashkia duhet të jenë në 1 linjë."
Përralla në lesh. Shnedja prej nesh.
85 milionë nga taksapaguesit të zhdukura, qen të vrarë, makabritete në mes të ditës.
Tirana s'do jetë kurrë një qytet europian me këtë pisllek që gëlon nga shpirti drejtuesve dhe njerëzve të pushtetshëm. Në Tiranë nuk ka vend për shtresën e mesme dhe të ulët. Nuk ka vend për të varfrit. Nuk ka vend për natyrën, historinë, teatrin, identitetin e qytetit.
Ka vend për oligarkët, paratë e pisëta dhe mashtrues që duan secili nga 1 copë.

/O.Pero

nc_ohc=TWkpIzYKfQYAX_1ElNk&_nc_ht=scontent.ftia4-1.jpg
 

Attachments

  • nc_ohc=TWkpIzYKfQYAX_1ElNk&_nc_ht=scontent.ftia4-1.jpg
    nc_ohc=TWkpIzYKfQYAX_1ElNk&_nc_ht=scontent.ftia4-1.jpg
    63 KB · Shikime: 44
  • nc_ohc=TWkpIzYKfQYAX_1ElNk&_nc_ht=scontent.ftia4-1.jpg
    nc_ohc=TWkpIzYKfQYAX_1ElNk&_nc_ht=scontent.ftia4-1.jpg
    63 KB · Shikime: 0

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top