-
- Anëtarësuar më
- Apr 15, 2011
-
- Mesazhe
- 25,061
-
- Reagimet e mara
- 13,042
-
- Mosha
- 39
-
- Vendndodhja
- Diku Neper Planet
Bota e muzikës tronditet sërish. Ndërron jetë kantautori italian Lucio Dalla, si pasojë e një infarkti gjatë turit të tij në Zvicër. Kantautori i njohur do të mbushte 69 vjeç në 4 mars.
Mësohet se ngjarja e hidhur ndodhi në Montreux të Zvicrës, ku ai ishte ndalur për të zhvilluar koncertin e radhës, në kuadër të një turi të nisur pak ditë më parë.
Të afërmit dhe miqtë e tij nuk arrijnë ta besojnë lajmin e hidhur pasi sipas tyre, Dalla ishte në gjendje të mirë shëndetësore. Mbrëmjen e kaluar ai kishte realizuar me sukses koncertin e planifikuar dhe nuk kishte shfaqur asnjë shenjë që mund të paralajmëronte fundin e hidhur.
Kantautori Lucio Dalla mori pjesë pak ditë më parë edhe në festivalin e Sanremos në Itali, me këngën Nanى në bashkëpunim me këngëtarin e ri Pierdavide Carone.
BIOGRAFIA
Lucio Dalla lindi në 4 mars 1943 në Bologna të Italisë. Në vitin 1964 debutoi në muzikë, falë interesimit dhe ndihmës së Gino Paolit, i cili synonte ta bënte Dallën këngëtarin e parë të muzikës suol në Itali.
Karriera e tij mund të ndahet në katër periudha: Fillimi 1964-1972 me grupin muzikor "Gli Idoli”, periudha Roversi (1974-1977), maturimi artistik (1977-1993) dhe përafrimi me muziKën pop gjatë viteve të fundit.
Pasioni i tij për muzikën u nda në dy pjesë, në këndimin dhe krijimin e saj. Në vitin 1970 arriti suksesin e parë si kompozitor, me këngën “Occhi di ragazza” të kënduar nga Gianni Morandi. Viti 1971 mund të konsiderohet si fillimi i karrierës së tij brilante e cila do të shënonte vetëm rritje. Ndër këngët më të njohura të Dallës janë: “4/3/1943”, “Gesù Bambino”, “Piazza Grande”, “Il gigante e la bambina”, “Itaca”, "Caruso".
Prej vitit 1974 deri në 1977 bashkëpunoi ngushtë me poetin bolonjez Roberto Roversi, duke realizuar albume mjaft të suksesshme si: “Il giorno aveva cinque teste”, “Anidride solforosa” dhe “Automobili”.
Në vitin 1977, me publikimin e albumit “Come è profondo il mare”, Dalla debuton edhe si autor tekstesh. Më pas arriti të thyente rekorde me këngët, albumet dhe turet e tij të suskesshme që e bënë të njohur në të gjithë botën.
(er.nu/BalkanWeb)
