Kjo është një nga pyetjet më të rëndësishme kur flitet për lidhjet romantike.
Një numër i madh studimesh që janë kryer, provojnë se ne në të vërtetë mund ta kontrollojmë dashurinë, sepse në përgjithësi, ky është vetëm një emocion psikologjik themelor si frika, gëzimi, mëshira dhe emocione të tjera që mund të rregullohen nëse monitorohen mirë.
Po, si e përdorim psikologjinë dhe truket psikologjike për të mësuar që t’i bëjmë të tjerët të bien në dashuri me ne?
Dashuria nuk ka të bëjë me “fatin”. Është një bashkëpunim i mekanizmave biologjikë, kimikë dhe psikologjikë. Është e mundur të gjesh qasjen e duhur për këto dhe t’i përdorësh ato për qëllimet e tua.
Gjëja më e rëndësishme që duhet të kuptoni është se personi tjetër duhet të paktën të ketë ndjenja minimale për ju. Pastaj, ju do të jeni në gjendje t’i ktheni këto, në ndjenja të vërteta e të thella, lehtësisht dhe shpejt.
1. Mos merrni akullore në takimin e parë
Psikologu social John Bargh, i cili punon në Universitetin e Yale studion rolin e përpunimit të pavetëdijshëm në sjelljen sociale. Disa nga studimet e tij gjetën një lidhje interesante mes temperaturës trupore të një personi dhe gjendjes së tyre psikologjike. Rezulton se kur jemi fizikisht të ngrohtë, ne kemi më shumë gjasa të jemi të mirë dhe miqësorë me njerëzit e tjerë. Ky marifet mund të jetë me të vërtetë i dobishëm, për shembull, gjatë ditës parë kur është veçanërisht e rëndësishme për të fituar besimin e personit.
Prandaj, mbajenini mend këtë dhe sigurohuni që në të ardhmen të zgjidhni vetëm vende të ngrohta, ushqime dhe pije, në mënyrë që çdo takim që keni (si romantike ashtu edhe të biznesit) shkon mirë.
2. Përparësitë e kontaktit të zgjatur me sy
Psikologu i Harvardit Zick Rubin bëri një studim për të kuptuar nëse është e mundur të matet dashuria. Ai e gjeti përgjigjen në sy ose më saktë, në frekuencën dhe kohëzgjatjen që njerëzit shohin njëri-tjetrit në sy. Ai zbuloi se çiftet që janë thellësisht të dashuruar shikojnë njëri-tjetrin 75% të kohës gjatë një bisede dhe se ata ndalen duke shikuar njëri-tjetrin me gjysëm zemre. Në një bisedë normale, njerëzit shikojnë njëri-tjetrin nga 30% në 60% të kohës.
Sidoqoftë, vështrimi në sytë e dikujt mund të mos jetë vetëm pasojë e të qenit në dashuri, por mund të jetë edhe arsyeja. Kur shikoni dikë për një kohë të gjatë dhe e bëni shpesh, ju “mashtroni” mendjen e personit, sepse i kujton “vështrimin e dashurisë”. Prandaj, fillon të mendojë për ju. Sistemi nervor fillon prodhimin e phenethylamine që shkakton ndjesitë që kemi kur bie në dashuri: “fluturat në stomak”, një rritje të ritmit të zemrës.
3. Tregojuni atyre diçka të çuditshme për veten tuaj!
Është e qartë se një person i hapur dhe komunikues ka më shumë shanse për t’u pëlqyer. Prandaj, nuk ka asgjë të habitshme në faktin se nëse ju tregoni pa frikë fakte për veten dhe jetën tuaj, ju bëni që njerëzit e tjerë t’ju pëlqejnë.
Sipas një studimi të kryer nga shkencëtarët e Harvard Business School, 79% preferonin të ishin njerëz të hapur dhe të sinqertë gjatë takimit të parë. Ata nuk fshehnin asgjë të çuditshme, shije, situata të vështira që u kishin ndodhur, madje edhe tipare negative të karakterit. Funksionon ashtu si me sekretet: kur i themi dikujt një sekret, ekziston një lidhje e veçantë midis nesh dhe personit, bazuar në besim dhe mirëkuptim.
4. Mos bëni asgjë! Lëreni ata të bëjnë diçka për ju!
Kur bëjmë një gjë të mirë apo ndihmojmë dikë, ne ndihemi mirë. Jemi të kënaqur me veten dhe kemi emocione shumë të ngrohta për personin që kemi ndihmuar. Kur e justifikojmë përpjekjen tonë, ne idealizojmë personin me të cilin ishim kaq bujarë dhe bindim veten se ai e meritonte atë ndihmë. Si rezultat, ne kemi një spirancë emocionale dhe fillojmë ta pëlqejmë personin edhe më shumë.
Nga ana tjetër, kur dikush bën diçka për ne, na pëlqen shumë, por ka të bëjë me emocione të ndryshme dhe jo të gjitha janë shumë pozitive. Ne kryesisht ndihemi sikur i detyrohemi personit dhe ne duhet t’ia shpërblejmë. Gjërat janë edhe më të vështira kur ky person është dikush që nuk na pëlqen vërtet. Prandaj, duhet ta kini parasysh këtë efekt psikologjik.
5. Krijoni një gjuhë të fshehtë që e kuptoni vetëm ju të dy
Kjo ka të bëjë me shakatë, fjalë të veçanta dhe gjeste unike që ndodhin mes njerëzve kur gjejnë terren të përbashkët dhe bëhen vërtet të afërt për njëri-tjetrin.
Ndoshta ju pëlqeni të njëjtin film, shfaqje, komedi, këngë apo libër. Edhe shakatë që shfaqen spontanisht gjatë takimit tuaj të parë, një shëtitje së bashku, ose një takim. Mos i injoroni këto gjëra të vogla. Kur ta gjeni dhe ta përdorni këtë frazë në komunikimin tuaj të përditshëm, ju do të çoni marrëdhënien tuaj në një nivel më të lartë. Marrëdhënia do të bëhet edhe më e fortë dhe më intime.
Shkencëtarët nga Universiteti i Teksasit dolën në këtë përfundim në studimin e tyre. Të gjithë duam të jemi të veçantë dhe unikë, dhe kjo gjuhë sekrete na bën të ndiejmë se ne e kuptojmë njëri-tjetrin më mirë se kushdo tjetër.
6. Madhësia e bebeve të syrit ka rëndësi!
Në një studim të viteve ’60 dhe ’70, shkencëtarët hulumtuan lidhjen midis madhësisë së bebeve të syrit dhe atraktivitetit të një personi. Ata iu shfaqën burrave, 2 fotografi të së njëjtës grua. Fotot ishin identike me përjashtim të një detaji të vogël, në një nga fotot, bebëzat e syrit të zonjës ishin më të mëdha. Si rezultat, meshkujt pëlqyen foton e redaktuar edhe pse askush nuk vuri re ndryshimin në sy.
Ka një mënyrë për ta përdorur këtë efekt në avantazhin tuaj. Natyrisht, ju nuk mund ta ndryshoni madhësinë e bebeve të syrit tuaj me qëllim, por mund t’i krijoni kushtet e duhura, për shembull, ta zbehni ndriçimin. Përdorni qirinj në vend të dritave të zakonshme ose planifikoni të shkoni në një restorant që është i famshëm për atmosferën e tij relaksuese.
7. Jini pranë tyre shpesh… por pastaj, bëni që t’i marrë malli!
Në ëndrrat tona, ne të gjithë mund të gjejmë dikë që na pëlqen, t’u shprehim atyre ndjenjat tona dhe të jetojmë së bashku përgjithmonë. Në botën reale, gjërat nuk janë aq të lehta, prandaj njerëzit duhet të njohin taktika të veçanta. Natyrisht, është e rëndësishme të kaloni më shumë kohë së bashku kur ndjenja është e ndërsjelltë. Në mënyrë që të njohim njëri-tjetrin më mirë, të thyejmë akullin dhe të ndërtojmë një lidhje, ju duhet të kaloni ca kohë së bashku.
Por pas disa takimeve, psikologët rekomandojnë që të bëni një pushim (edhe nëse nuk dëshironi) për të krijuar një deficit të pranisë tuaj në jetën e personit tjetër. Ky veprim bën që të arrini disa gjëra:
– Ju nuk do të lodheni me njëri-tjetrin (me kalimin e kohës, ndjenjat nuk do të jenë aq të freskëta dhe për t’i mbajtur ato gjallë, ju duhet të luani “të vështirën”);
– Personi ka shansin të kuptojë se sa e mirë dhe e rëndësishme është kjo marrëdhënie për të (gjërat e kufizuara dhe të rralla janë gjithmonë më të dëshiruara);
– Ju mund të merrni nën kontroll emocionet tuaja dhe të mendoni qartë.
8. Krijoni një lidhje pozitive
Ju mund të programoni trurin e dikujt tjetër duke përsëritur të njëjtat mendime pa pushim. Kjo është arsyeja pse është kaq e rëndësishme që të zgjidhni me kujdes fjalët kur komunikoni me njerëz që janë shumë të rëndësishëm për ju. Ju mund ta përdorni këtë parim për të përmirësuar imazhin tuaj. Sa më mirë ta paraqisni veten, aq më shumë mendime pozitive do të lini në mendjen e një personi edhe kur nuk jeni aty.
Dhe nuk ka rëndësi nëse jeni edhe aq shumë pozitivë (të gjithë kanë të metat e tyre). E vetmja gjë që ka rëndësi është se si jeni perceptuar dhe sesi dëshironi të perceptoheni.
/Shkolla e Suksesit/
)
cfare do bejme ne fukaraja ?
?
