Love
βeℓℓe â๓e
Nëse mendonit se një palë këpucë Christian Louboutin ishin të papërballueshme për xhepin tuaj, tashmë duhet të ndërroni mendje, pasi një palë të tilla nuk janë asgjë në krahasim me të ashtuquajturat Eternal Borgezie Diamond Stiletto.
Të krijuara nga dizenjatori Christopher Michael Shellis, këto sandale janë tërësisht të realizuara me ar dhe të zbukuruara me 2 200 diamante të vërteta, me një total prej 30 karatësh.
Një mrekulli e tillë bën që të mos habitemi për çmimin e tyre prej 140 mijë stërlinash (afërsisht 160 mijë euro) dhe ato të konsiderohen këpucët më të shtrenjta në botë. Në fakt, deri tani nuk është shitur asnjë palë, edhe pse ato janë në shitje prej 5 muajsh.
"Për momentin nuk ka akoma asgjë konkrete përsa u përket shitjeve", ka thënë për "Daily Mail" dizenjatori i tyre. Ai ka kaluar tre vjet duke punuar për to.
"Ideja ishte që të të krijohej një xhevahir absolutisht unik, i cili të vishej", thotë ai.
Të ekspozuara në galerinë "Artbox" në Birmingham deri në 2 maj, sandalet ekstravagante shoqërohen nga një çantë origjinale e stolisur me diamante me një çmim prej 230 eurosh dhe një pasqyrë që mund të mbahet në të, e cila kushton 28 mijë euro./Shekulli/