Shfletimi si vizitorë është i kufizuar

Salmonelë në Shqipëri - 7.8 ton mish pule e importuar në portin e Durrësit.

MonaLisa

Staf në FV.AL
Adm
Një sasi prej 7.8 tonë mish pule e importuar nga Brazili ka rezultuar e kontaminuar me salmonelë, duke ngritur shqetësime serioze për sigurinë ushqimore.Produkti mbërriti në Portin e Durrësit më 11 Mars, dhe pas analizave të kryera pranë Institutit të Sigurisë Ushqimore dhe Veterinarisë më 21 Mars u konfirmua prania e bakterit të rrezikshëm në mishin e ngrirë të pulës.Autoriteti Kombëtar i Ushqimit konfirmoi për Tv Klan se ka bllokuar 5.2 ton mish të mbetur tek importuesi, por 2.6 ton rezulton se janë shpërndarë në treg për konsumatorët shqiptarë. Produktet e shpërnada nuk janë lokalizuar ende duke u bërë një rrezik potencial për shëndetin publik.“Për këtë arsye të gjithë inspektorët e AKU kanë dalë në terren për të verifikuar subjektet tregtare”, raporton gazetarja Erikleda Dorezi.Por edhe pse inspektorët e AKU janë në terren për të kontrolluar subjektet tregtare dhe për të gjetur mishin e shpërndarë, deri më tani nuk kanë identifikuar asnjë rast konkret.Problemi, sipas AKU, thellohet më tej nga fakti se kompania importuese ka paraqitur fatura fiktive, duke penguar gjurmimin e saktë të produktit të kontaminuar në treg. Prandaj ajo është kallëzuar në prokurori.“Është inspektuar subjekti importues për të siguruar gjurmueshmërinë, i cili është referuar në organet e Prokurorisë së Rrethit Gjyqësor Tiranë për veprime të mëtejshme proceduriale lidhur me elementët e veprës penale për mosrespektim të kritereve të gjurmueshmërisë dhe dhënie të informacionit të pasaktë.”Mishi i pulës i kontaminuar me salmonellë përbën një kërcënim të drejtpërdrejtë për shëndetin.Infeksioni i salmonelës mund të shkaktojë diarre të rëndë, ethe dhe dehidrim, simptoma që shfaqen brenda 8 deri në 72 orë pas konsumit të mishit të infektuar. Vetëm gatimi në temperaturë mbi 70°C mund të eliminojë rrezikun.

TvKlan
 
Mjerë ato prindër e njerëz që kemi atje, lutem Zotit çdo natë ti dëgjoj mirë ♥️
 

Konkursi Letërsisë

  • Mësova

    Votat: 7 58.3%
  • Monolog

    Votat: 4 33.3%
  • Fundjavë e fundit Dimri

    Votat: 5 41.7%
Back
Top