Shfletimi si vizitorë është i kufizuar

Real Madrid

Reali shokohet nga Levante, 1-0

Aruna Kone shtang me golin e tij ekipin e Hoze Mourinjos, që kishte mbetur me 1 lojtar më pak, pas ndëshkimit të Khedirës me të kuq

Reali i Madridit ka pësuar humbjen e parë shokuese në La Liga këtë sezon, pasi është mposhtur 1-0 nga Levante në “Estadi Ciutat de Valencia”. Kartoni i kuq ndaj Sami Khedirës pak para se të mbaronte pjesa e parë (39’) ndikoi në një 45-minutësh të dytë pa shije për ekipin nga “Bernabeu”, teksa goli i Aruna Konesë në të 70-n i siguroi vendasve një fitore të papritur, por edhe shumë të domosdoshme.

Merengesit e nisën mirë ndeshjen, pavarësisht se Kristiano Ronaldo qëndronte në pankinë, duke mos qenë i gatshëm pas atij dëmtimi të pësuar në Champions ndaj Dinamos së Zagrebit. U duk se gjithçka u zgjidh vetëm pas 8 minutash, pas goditjes së lirë të Angel Di Marias, i cili u grushtua nga Munua në zonë, por në kohën që Benzema e dërgoi në rrjetë, anësori ngriti flamurin për pozicion jashtë loje të Pepes.

Emergjenca për të thyer mbrojtjen e vendasve u bë edhe më e madhe, prej performancës së mirë të portierit Munua, i cili bllokoi edhe përpjekjen e Benzemasë në të 25-n. Pjesa e dytë ka qenë paksa kaotike, pasi u ndje mungesa e 1 lojtari në fushë (Khedira, që mori kartonin e dytë te verdhë pasi shtyu Balesterosin). Menjëherë u bënë zëvendësime: Ronaldo në fushë për Benzemanë, Higuain për Kakà dhe Ozil për Marselon.

Impakti i portugezit nuk ishte i duhuri gjithsesi, teksa Levante kishte më tepër besim për të arritur një rezultat pozitiv, gjë që u shpërblye, kur Kone përfitoi nga një kundërsulm i arrirë i Havi Ventës, për ta çuar topin pas shpinës së Kasiljasit. Minuta e 68-të dhe 1-0 për Levanten. Një depërtim i shumëkërkuar nga vendasit, teksa kundërpërgjigja e madrilenëve ishte e ngadaltë, me pak rreziqe në portën e Munuas. Ekipi i Mourinjos është përpjekur shumë në fund, por mbetën thjesht tentativa dhe një humbje që i shqetëson shumë merengesit, të cilët janë 1 pikë mbrapa ekipit të Pep Guardiolës.

Shtypi brazilian

Neimar firmos sot për Realin e Madridit

Neimar te Real Madrid, këtë herë duket e vërtetë. Talenti brazilian është vetëm një hap larg ekipit të Mourinjos. Gjatë mbrëmjes të së premtes, ylli i Santosit ka zhvilluar sesionin e parë të vizitave mjekësore, të nevojshme për transferimin e tij në Europë. Së bashku me babain e lojtarit, në spitalin San Luiz të San Paolos kanë qenë të pranishëm edhe Vagner Ribeiro (menaxher i futbollistit) dhe mbi të gjithë Karlos Diez, përgjegjësi mjekësor i “Los Blancos”.

Sipas shtypit brazilian, pikërisht gjatë ditës së sotme, Neimar do të firmosë kontratën që do ta lidhë atë me klubin e Florentino Perez. Transferimi në Spanjë është fiksuar për verën e 2012-s, pasi të ketë marrë pjesë në Olimpiadën e Londrës. Plotësohet kështu dëshira e Santosit, që nuk kishte ndërmend ta lironte sulmuesin e tij përpara Botërorit për Klube. ثshtë mposhtur kështu konkurrenca e Barcelonës: në Brazil janë të bindur për faktin që blaugranat kishin ofruar 60 mln euro, por avantazhi i Realit dukej i pakapshëm.



Tripletë Falkao, Atletiko fiton 4-0 me Racing

Blerja e re Radamel Falkao shpuri në delir stadiumin “Calderon” me një tripletë të shkëlqyer, për t’i dhënë fitoren 4-0 Atletikos së Madridit kundër Santanderit dje. Sulmuesi kolumbian, që u shpall golashënuesi më i mirë i Ligës së Europës me 17 gola për Porton një vit më parë, shënoi i pari në të 23-tën pas punës së mirë të ish-lojtarit të Arsenalit, Rejes. Golin e dytë e shënoi nga pika e penalltisë në të 36-tën, pasi braziliani Diego u rrëzua në zonën e rreptësisë.

Blerja tjetër e kësaj vere, turku Arda Turan, dha një asist të mirë për Falkaon, në mënyrë që ky i fundit të kompletonte tripletën e tij në minutën e 55-të. I blerë për të mbyllur hapësirat e lëna nga shitjet e Forlanit dhe Agueros, Falkao nuk zhgënjeu dhe në momentin e ndërrimit, brohoritje zhurmuese u dëgjuan në stadium, teksa ai dilte nga fusha. 10 minuta para se të përfundonte takimi, Turan dërkoi asistin e tij të dytë, të cilin Adrian e “shkrepi” me kokë golin e 4-të, për t’i dhënë kështu vendasve fitoren e parë të sezonit.
 

Konkursi Letërsisë

  • Aeroporti i Zaventemit

    Votat: 6 54.5%
  • Të harrova, sepse të dua

    Votat: 5 45.5%
  • Vetëm …

    Votat: 4 36.4%

Theme Editor

Settings Colors

  • Mobile users cannot use these functions.

    Select View Mode

    Switch between full screen and narrow screen modes.

    Grid View

    Easily review content and get an organized view with grid mode.

    Image Grid Mode

    Display your content in an organized and visually rich way with background images.

    Sidebar Close

    Create a larger workspace by hiding the sidebar.

    Fixed Sidebar

    Ensure constant access and easily manage your content by pinning the sidebar.

    Box view

    You can add a box-style frame to the sides of your theme or remove the existing frame. Valid for resolutions over 1300px.

    Radius Control

    Customize the look however you like by turning the radius effect on or off.

  • Choose your color

    Choose the color that reflects your style and ensure aesthetic harmony.

Back