Pasaporta e Zelandës së Re është më e fuqishmja në botë, ajo shqiptare renditet në vendin e 17

Pasaporta e Zelandës së Re është pasaporta më e fuqishme në botë, sipas renditjes së re të Indeksit të Pasaportave për vitin 2020.

Në renditje u përfshinë 193 vende anëtare të Kombeve të Bashkuara dhe 6 rajone të veçanta, të cilat u renditën në Indeks bazuar në mundësitë që pasaporta ofron në kalimet kufitare dhe numrin e vendeve që poseduesi i pasaportës mund të udhëtojë pa vizë ose me vizë në aeroport.

Çdo person që posedon një pasaportë të Zelandës së Re tashmë mund të udhëtojë në 129 vende në botë.

Kufizimet e udhëtimit të vendosura për shkak të pandemisë së Covid-19 kanë shkaktuar një lëkundje në udhëtimet pa viza.

Indeksi i Pasaportave thekson se pandemia e koronavirusit ka pasur një ndikim kaotik në udhëtimet dhe në përgjithësi në “Hapjen Botërore”.

“Të dhënat janë të qarta: me ndalime të përkohshme të udhëtimit dhe kufizime të vizave, shumë vende që dikur kishin një pasaportë të fuqishme, tani po renditen ndër më të ulëtat në botë”.

Japonia renditet në vendin e dytë, me një rezultat prej 128 vendesh, përkrah Gjermanisë, Austrisë, Luksemburgut, Zvicrës, Irlandës, Koresë së Jugut dhe Australisë.

Suedia, Belgjika, Franca, Finlanda, Italia dhe Spanja renditen në vendin e tretë me rezultatin 127.

Vendet europiane përbëjnë shumicën e listës së 10 më të mirëve, pasi pjesa më e madhe ruajnë hyrjen në zonën e ‘lëvizjes së lirë’ të Shengenit me pak kufizime të COVID-19.

Shtetet e Bashkuara renditet në vendin e 21 në renditjen e pasaportave, me një rezultat prej 92 vendesh.

Shqipëria renditet në vendin e 17, me 97 shtete, pas Serbisë e Maqedonisë së Veriut, por lë pas Malin e Zi. Kosova renditet në vendin e 65, me 45 vende.

Renditja globale e pasaportave në botë azhurnohet në kohë reale aq shpesh sa zbatohen heqjet e vizave dhe ndryshimet e reja.

Pasaportat më të fuqishme

1. Zelanda e Re
2. Luksemburgu, Gjermania, Austria, Zvicra, Irlanda, Koreja e Jugut, Japonia, Australia
3. Suedia, Belgjika, Franca, Finlanda, Italia, Spanja
4. Mbretëria e Bashkuar, Holanda, Danimarka, Portugalia, Lituania, Norvegjia, Islanda, Kanada
5. Malta, Sllovenia, Letonia
6. Republika Çeke, Estonia, Greqia, Polonia, Hungaria, Lihtenshtajni
7. Sllovakia
8. Qipro, Kroacia, Monako
9. Rumania, Bullgaria
10. San Marino, Andorra, Uruguai

Pasaportat më pak të fuqishme

1. Afganistani, Iraku
2. Siria
3. Somalia
4. Jemeni
5. Irani, territoret palestineze
6. Pakistani
7. Birmania, Koreja e Veriut
8. Etiopia, Libani, Libia, Nepali, Eritrea
9. Bangladeshi, Sudani Jugor
10. Sudani./The Independent

Monitor.al

Tani sna duhet me fare pashaporta, se per te levizur brenda shtepise shyqyr qe ste kontroll ende njeri!

Do i lej targën forumit???.
Do ju shkruaj nga Zelanda e Re ??.

Opo nje nen sigmen e BE. te kesh e je ok, po he.

mire qe ma kujtuat se me skadon , te iki te aplikoj per nje te re qe panjollosur fare

E 97 jo keq, kur mendon se para 23 vitesh zevendesonim irakun dhe afganistanin

Kisha pershtypjen qe pashaporta e Mbretërise se Bashkuar ishte me e fuqishme se Irish, por paskam qene gabim.

27 shtete jane antare te BE-se, domethene kane fuqi te konsiderueshme diplomatike fale atij statusi. Shto edhe disa vende te tjera te zhvilluara si SHBA-te, Japonia, Korea e Jugut, Kanada, Australi, etj., dhe Shqiperia qenka ne vendin e 17-te?!

E 97 thuaj jo e 17.

Ne kategorine e 17-te, jo ne vendin e 17-te.

Ne kategorine e 17-te (nese artikulli i postuar eshte i sakte) edhe per nje 5 vjecar tjeter, deri sa te hyjm ne BE.

Fatkeqesisht Shqiperia eshte listuar ne 60 shtetet e para te programit ETIAS- European Travel Information and Authorisation System.
Nje projekt qe ka filluar ne 2016 nga BE per te rritur nivelin e sigurise, flitet zyrtarisht se do te lançohet plotesisht ne 2022 por ne projektin pilot Shqiperia eshte listuar per te hyre ne 2021.
Pak a shume nje lloj vize qe do te jepet online elektronikisht.

To view this content we will need your consent to set third party cookies.
For more detailed information, see our cookies page.

Accept third party cookies