Në Zelandën e Re ofrohet një punë që paguhet plot 20 mijë euro në muaj, është 4 ditë në javë, të lejon 12 javë pushim në vit, por nuk e preferon askush.
Bëhet fjalë për një vend pune si zëvendësmjek në një zonë rurale, të papëlqyeshme nga të rinjtë. Doktori Alan Kenny punon si doktor në Tokoroa, një fshat me rreth 13,500 banorë dhe rreth 130 milje në jug të Auckland-it. Ai kërkon një zëvendës por nuk ka mundur ta gjejë, megjithëse ka 4 muaj që ka shpallur vendin e punës. Doktori ka një ngarkesë të lartë pune që i lejon të ketë përfitime të mëdha. Problemi i vetëm mbetet rekrutimi i një zëvendësi.
“ثshtë një problem i madh për të gjetur një zëvendës”, ka thënë ai për mediat lokale.
“Vitin e kaluar, kam anuluar pushimet, sepse unë nuk mund të gjeja një zëvendës dhe këtë vit ndoshta do të duhet ta bëjë të njëjtën gjë”, vijon ai. Doktori rrëfen se ka aq shumë ngarkesë sa në një ditë ka pasur 43 pacientë dhe ka punuar pa bërë aspak pushim.
Shekulli
